Alzheimer pēⁿ

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Alzheimer pēⁿ kap chèng-siông tōa-náu ê pí-kàu

Alzheimer pēⁿ, Hàn-bûn kiò A-chu-hái-be̍k-chèng (阿茲海默症), sī chi̍t chióng hoat-pēⁿ chìn-têng bān, sûi sî-kan put-toān ok-hòa ê sîn-keng thè-hòa chiòng-gāi; chit khoán pēⁿ chiàm sit-tì-chèng sêng-in ê 60% chì 70%. Siāng chia̍p-khòaiⁿ ê chá-kî chèng-thâu sī sòng-sit té-kî kì-ek; tòe pēⁿ-chèng ta̍uh-ta̍uh hoat-tián, khó-lêng ē chhut-hiān gí-giân chiòng-gāi, tēng-hiòng chiòng-gāi, chêng-sū bô ún-tēng, sòng-sit tōng-ki, bô-hoat-tō͘ chú-lí téng-téng būn-tê. Tī chêng-hóng chhî-sio̍k ok-hòa ê sî, hoān-chiá tiāⁿ-tiāⁿ lóng ē in-ūi án-ne hām ka-têng ia̍h-sī siā-hōe thoat-chat, chiām-chiām sòng-sit sin-thé ki-lêng, chòe-āu óng-seng.

Alzheimer pēⁿ ê chin-chiàⁿ sêng-in kàu-taⁿ iu-goân put-bêng. Bo̍k-chiân, Alzheimer pēⁿ pī jīn-tēng sī chi̍t chióng sîn-keng thè-hòa chiòng-gāi, chiong-kīn 70% ê hong-hiám in-chú hām ûi-thoân ū-koan; kî-thaⁿ hong-hiám in-chú koh ū thâu-pō͘ gōa-siong, ut-chut kap ko-hoeh-ap.