Arecibo sìn-sek

Sìn-sek tô͘-ōe.

Arecibo sìn-sek sī siat tī Puerto Rico ê Arecibo Thian-bûn-tâi ēng bû-sòaⁿ-tiān hiòng seng-chè (interstellar) hoat-sàng ê sìn-sek. Tī 1974 nî 11 goe̍h 16, in hiòng lî tē-kiû beh 25,000 kng-nî ê M13 seng-thoân hoat-sàng bû-sòaⁿ-tiān sìn-hō, sìn-sek ê sêng-hun sī 2,380 MHz pîn-lu̍t kiam 10 Hz bîn-khoah (bandwidth) ê bû-sòaⁿ-tiān. Lōe-iông sī ēng jī-chìn-ūi hêng-sek piáu-tat, siat-kè-chiá sī Kok-ka Thian-bûn-ha̍k kap Tiān-lî-chân Tiong-sim (National Astronomy and Ionosphere Center) ê lâng. Só͘ siūⁿ-beh tián-hiān ê lōe-iông pau-koat liáu sò͘-jī ê hē-thóng, hòa-ha̍k goân-sò͘ kap seng-hòa hun-chú chu-liāu, tē-kiû tī thài-iông-hē ê chē-chí, kap jîn-lūi koh ū Arecibo thian-bûn-tâi ka-tī ê gōa-piáu téng-téng.

Chham-khó

• Joseph A. Angelo (2006). "Arecibo Interstellar Message". Encyclopedia of Space and Astronomy. Facts on File. ISBN 978-0-8160-5330-8.