Au-chiu Phêng-gī-hoē

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Au-chiu ê kî: chit bīn kî-á kāng-sî hō͘ Au-chiu Phêng-gī-hoê kap Au-chiu Liân-bêng teh sú-iōng.

Au-chiu Phêng-gī-hoē (Eng-gí: Council of Europe, Hoat-gí: Conseil de l'Europe /kɔ̃ˈsɛj.də.lˈœʁɔp/, Tek-gí: Europarat /ɔɪ.ˈʁoː.pʰaˌʁaːtʰ/) sī 1 ê ū 47 ê hoē-oân kok ê Au-chiu kok-chè cho͘-chit. I ū sêng-kong tī 1950 nî chè-tēng Au-chiu Jîn-koân Kong-iok (European Convention on Human Rights), chit-ê kong-iok tī āu--lâi chiâⁿ-chò Au-chiu Jîn-koân Hoat-īⁿ (European Court of Human Rights) ê ki-chhó͘.

I ê chóng-pō͘ tī Hoat-kok ê Strasbourg, oá Hoat-kok kap Tek-kok ê kau-kài. Pún-té in khui-hoē ê só͘-chāi sī Strasbourg Tāi-ha̍k--ni̍h hō-chò "University Palace" ê toā-lâu, chū 1977 nî in tō lóng tiàm lī chhī-tiong-sim iok-kî-lio̍k 2 kong-lí ê Au-chiu Tiān-tông (Palais de l'Europe) chū-hoē kap pān-kong--a.

Au-chiu Phêng-gī-hoē hoan-gêng Au-chiu ê bîn-chú kok-ka ka-ji̍p, beh chò i ê hoē-oân, tio̍h chiap-siū hoat-tī ê goân-chek, khak-si̍t-tek pó-chiòng ki-pún ê jîn-koân kap kong-bîn ê chū-iû.

Au-chiu Phêng-gī-hoē kap Au-chiu Liân-bêng Lí-sū-hoē (Council of the European Union) iah Au-chiu Lí-sū-hoē(European Council) sī bô-kâng ê ki-kò͘, i pēng bô hù-sio̍k tī Au-chiu Liân-bêng ê ē-kha.

Chhiáⁿ chham-khó[siu-kái]

Pa̍t-ê bāng-ia̍h[siu-kái]