Bân-lâm hàn-jī

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Bân-lâm hàn-jī sī the̍h-lâi siá Bân-lâm-gí pe̍h-ōe ê hàn-jī. Bân-lâm hàn-jī tī Tâi-oân hui-siông liû-hêng, le̍k-sú ê goân-thâu iā chin chá, chē-chē kīn-tāi ê Bân-lâm-gí thong-sio̍k bûn-ha̍k chok-phín lóng chhut-hiān tī Tâi-oân, só͘-í chit khoán hàn-jī iā hō-chò Tâi-oân-jī ia̍h Tâi-gí hàn-jī. Bân-lâm hàn-jī ê piau-chún-hòa pí Hôa-gí bān. Tē-it pái iû koaⁿ-hong chèng-hú thui-tōng ê Bân-lâm hàn-jī piau-chún-hòa ūn-tōng sī 2009 nî tī Tâi-oân ê Tiong-hôa Bîn-kok Chèng-hú só͘ chéng-lí hoat-piáu ê Tâi-ôan Bân-lâm-gí Thui-chiàn Iōng-jī, put-kò chí-sī "thui-chiàn" sèng-chit, pēng bô kiông-chè thóng-it. In-chhú, hām Pe̍h-ōe-jī sio-pí, Bân-lâm hàn-jī ê chiàⁿ-jī iu-goân ū tn̂g-lō͘ ài kiâⁿ.