Wikipedia (chū-iû ê pek-kho-choân-su) beh kā lí kóng...
Bí-kok liân-pang hêng-chèng pō͘-bûn (Eng-gí: United States federal executive departments) sī Bí-kok liân-pang chèng-hú lāi iû chóng-thóng chí-hui ê hêng-chèng ki-koan. Kî-tiong pau-hâm le̍k-sú siāng kú-tn̂g ê chú-iàu tan-ūi: Kok-bū Pō͘, Chiàn-cheng Pō͘ (taⁿ Kok-hông Pō͘ ê chiân-sin) kap Châi-chèng Pō͘ lóng tī 1789 nî chìn-chêng tiō í-keng sêng-li̍p ah. Liân-pang kok hêng-chèng pō͘-bûn ê chòe-ko siú-tiúⁿ lóng kiò chò pō͘-tiúⁿ (secretary), iā sī Bí-kok lōe-koh ê sêng-oân. Ùi 1792 nî khai-sí, kin-kì liân-pang hoat-àn, in chó͘-sêng tī Bí-kok chóng-thóng kap hù-chóng-thóng in-ūi sū-kò͘ hoat-seng khang-ūi sî ê kè-sêng sūn-sī, pâi tī Bí-kok Chiòng-gī-īⁿ Īⁿ-tiúⁿ kap Bí-kok Chham-gī-īⁿ Īⁿ-tiúⁿ āu-piah.
