Chéng-liû-khì

Chéng-liû-khì (Hàn-jī: 整流器; Eng-gí: rectifier) sī kā kau-liû-tiān (AC) choán-ōaⁿ chò ti̍t-liû-tiān (DC) ê tiān-chú goân-kiāⁿ.

Chéng-liû tiān-lō͘

Tan-siōng chéng-liû tiān-lō͘

Pòaⁿ-pho chéng-liû-khì

Pòaⁿ-pho chéng-liû-khì (半波整流器, half-wave rectifier) kan-taⁿ su-iàu 1 ê diode. Chhiáⁿ khòaⁿ ē-kha ê tô͘, su-ji̍p sìn-hō sī chiàⁿ-hiân-pho, keng-kòe chéng-liû-khì liáu-āu, su-chhut sìn-hō chhun chiàⁿ-pòaⁿ-chiu (正半週, positive half cycle); ah in-ūi hū-pòaⁿ-chiu (負半週, negative half cycle) tiō sī diode ê ge̍k-hiòng phian-ap, bē kòe-tiān, só͘-tì chéng-liû-khì bē su-chhut hū-pòaⁿ-chiu.

Pòaⁿ-pho chéng-liû-khì. Tò-chhiú-pêng ê tô͘ sī su-ji̍p sìn-hō; tiong-ng ê tô͘ sī tiān-lō͘-tô͘, ki-tiong D sī diode, i ê tò-chhiú-pêng sī 1 ê piàn-ap-khì; chiàⁿ-chhiú-pêng ê tô͘ sī su-chhut sìn-hō.

Su-ji̍p sìn-hō sī chiàⁿ-hiân-pho ê sî-chūn, bô hū-chài ê pòaⁿ-pho chéng-liû-khì ê su-chhut tiān-ap sī

${\begin{aligned}V_{\mathrm {rms} }&={\frac {V_{\mathrm {peak} }}{2}}\\[8pt]V_{\mathrm {dc} }&={\frac {V_{\mathrm {peak} }}{\pi }}\end{aligned}}$

tī chia:

V_dc sī su-chhut ê DC tiān-ap, khiā-sǹg-kóng sī pêng-kin su-chhut tiān-ap V_av;

V_peak sī siōng-ūi su-ji̍p tiān-ap ê hong-gia̍h (峰額, peak value);

V_rms sī su-chhut tiān-ap ê kin-hong-kin (RMS) value of output voltage.