Chí-hio̍h

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Chí-hio̍h (Latin-gí: cotyledon) sī si̍t-bu̍t chéng-chí lāi-bīn phoe-thai ê tiōng-iàu pō͘-hūn. Tī hoat-gê ê sî, chí-hio̍h thang piàn chò sī phoe-thai tāi-seng hoat--chhut-lâi ê hio̍h-á. Hoat chí-hio̍h ê sò͘-liōng, sī si̍t-bu̍t-ha̍k hun-lūi khui-hoe si̍t-bu̍t ê sî só͘ kun-kù ê chi̍t hāng sèng-chit. Tan-to̍k chi̍t phìⁿ chí-hio̍h ê chéng hō chò tan-chí-hio̍h si̍t-bu̍t; nā ū nn̄g phìⁿ chí-hio̍h--ê, kiò siang-chí-hio̍h si̍t-bu̍t.