Chū-lo̍h

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Chū-lo̍h (聚落), he̍k-chiá chi̍p-lo̍h (集落), sī tē-lí-ha̍k, thóng-kè, ia̍h sī khó-kó͘-ha̍k siōng só͘ kóng jîn-kûn seng-oa̍h ê siā-lí. Chū-lo̍h ê chhùn-chhioh tùi sió-hêng ê chng-thâu kàu tōa-hêng ê siâⁿ-chhī kiam sì-ûi to͘-hōe-khu put-téng.

Giân-gí siōng piáu-ta̍t chū-lo̍h ê tan-gí ū pí-lūn chng-siā, chhī-tìn, siâⁿ-chhī téng khoán, chóng-sī chia ê ēng-gí bô kò͘-tēng ê ì-sù, ta̍k khoán giân-gí ê kâng lūi gí-lūi mā ke-kiám bô tùi-tâng. Ū-sî hêng-chèng siōng ē te̍k-pia̍t siat-kè choan-bûn ê ēng-gí, siat-tēng hêng-chèng ia̍h tē-lí kài-sòaⁿ lâi khu-hun chū-lo̍h.