Cheng-îⁿ

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Cheng-îⁿ (Hàn-jī: 晶圓; Eng-gí: wafer) sī seng-sán pòaⁿ-tō-thé chek-thé tiān-lō͘ só͘ ēng ê chài-thé, i-ê hêng-chōng sī îⁿ-hêng. It-poaⁿ cheng-îⁿ khah chē sī si-lí-khóng cheng-phìⁿ. Cheng-îⁿ sī siāng chia̍p iōng ê pòaⁿ-tō-thé châi-liāu, àn i-ê ti̍t-kèng pun chò 3 eng-chhùn, 4 eng-chhùn, 5 eng-chhùn, 6 eng-chhùn, 8 eng-chhùn téng kui-keh, kīn-lâi hoat-tián chhut 12 eng-chhùn, sīm-chì gián-hoat koh-khah tōa kui-keh (14 eng-chhùn, 15 eng-chhùn, 16 eng-chhùn, 20 eng-chhùn í-siōng téng). Cheng-îⁿ jú tōa, kāng chi̍t tè ē-tàng seng-sán ê chek-thé tiān-lō͘ tiō jú chē, thang kàng-kē sêng-pún; m̄-koh tùi châi-liāu ki-su̍t kap seng-sán ki-su̍t ê iau-kiû mā koh-khah koân, pí-lūn kóng kun-ûn-tō͘ téng-téng ê būn-tê. It-poaⁿ jīn-ûi si-lí-khóng cheng-îⁿ ê ti̍t-kèng jú tōa, tāi-piáu chit chō cheng-îⁿ-chhiúⁿ ū koh-khah hó ê ki-su̍t, tī seng-sán cheng-îⁿ ê kòe-têng tang-tiong, liông-lu̍t sī chin tiōng-iàu ê tiâu-kiāⁿ.