Chhiú-khîm

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Violin VL100.jpg

Chhiú-khîm[1] mā kiò-chò bai-ó͘-lín, sio̍k-tī hiân-ga̍k-khì lāi-té ê e-hiân ga̍k-khì. Chhiú-khîm téng-koân bô chò gān-chū iah pa̍t-hāng hō-thâu, e chhiú-khîm ê lâng tio̍h khò im-kám kap kì-tî lâi koat-tēng beh chhi̍h hiân ê toh-ūi, koh tio̍h án-choáⁿ soá tín-tāng.

Chhiú-khîm ê 4 tiâu hiân hō-chò G, D, A kap E, e khîm ê lâng sī kā khîm hē tī tò-pêng pn̄g-sî-kut kap ē-hâi tiong-kan, tò-chhiú ê chéng-thâu-á chhi̍h hiân khòng-chè im-koân, chiàⁿ-chhiú gia̍h e-á (keng) lâi e khîm-hiân.

Chit-khoán ga̍k-khì sī hiân-ga̍k-khì lāi-té siōng-kài sè-ki koh im-koân siōng-kài koân--ê, e chhiú-khîm ê im-ga̍k-ka, lâng it-poaⁿ kiò in chhiú-khîm-chhiú iah bai-ó͘-lín-chhiú.

Chhiú-khîm beh chò hō͘ hó, su-iàu ho̍k-cha̍p ê ki-su̍t kap keng-giām ê lia̍p-chek, sè-kài-siōng ū chi̍t-koá chin chhut-miâ ê chhiú-khîm-chiūⁿ, Antonio Stradivari tō sī in lāi-té ê 1 ê.

Chham-khó chu-liāu[siu-kái]

  1. Tâi-Ji̍t Toā Sû-tián koan-hē chhiú-khîm ê kái-soeh.

Wikimedia Commons ū koan-hē Category:Violins ê to-mûi-thé tóng-àn.