Chhiòng-hêng-ka

Chhiòng-hêng-ka (縱橫家) sī tī Tiong-kok Chiàn-kok sî-tāi teh chiông-sū chèng-tī gōa-kau oa̍h-tāng ê phài-pia̍t; tī Pan Kò͘ siá ê Hàn-su Gē-bûn-chì lāi sī Kiú-liû chi-it. Chhiòng-hêng-ka koh ē-tàng hun chò ha̍p-chhiòng (合縱) kap liân-hêng (連橫) nn̄g ê phài-pia̍t. Ha̍p-chhiòng-phài ê tāi-piáu jîn-bu̍t ū Kong-sun Ián kap So͘ Chîn; liân-hêng-phài ê tāi-piáu jîn-bu̍t sī Tiuⁿ Gî.