Hoat-ka

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Fa character.jpg

Hoat-ka hē-lia̍t bûn-chiuⁿ

Hoat-ka ê jîn-bu̍t
Chhun-chhiu:
Koán Tiōng · Chú-sán

Chiàn-kok:
Lí Khoe · Ngô͘ Khí · Sīn Tò · Sin Put-hāi
Siong Iang · Lí Su · Hân Hui

Hoat-ka ê tù-chok

Hoat-ka (法家) sī tī Tiong-kok le̍k-sú tiong, gián-kiù kok-ka tī-lí hong-sek ê ha̍k-phài. I tī Hàn-su Gē-bûn-chì lāi-bīn sī kiú-liû (九流) chi-it. Hoat-ka ê su-sióng goân-thâu ē-ēng tui-sok kàu Chhun-chhiu sî-tāi ê Koán Tiōng kap Chú-sán. Lo̍h-bóe tī Chiàn-kok sî-tāi ê Lí Khoe, Ngô͘ Khí, Sīn Tò, Sin Put-hāi iáu-ū Siong Iang ê thui-kóng hoat-tián chi-hā, chiām-chiām chiâⁿ-chò chi̍t ê khah ū hē-thóng ê su-sióng ha̍k-phài. Chiàn-kok bóe-kî, Hân Hui kā chia chi̍t-kóa khah ū éng-hióng-le̍k ê ha̍k-soat chò chéng-lí, āu-lâi Hoat-ka ê su-sióng chiâⁿ-chò Chîn-kok thóng-it thian-hā ê lí-lūn ki-chhó͘. Hoat-ka ê lí-lūn kiông-tiāu kóng: put hun chhin-so͘, put sû kùi-chiān, it toàn î hoat (不分親疏, 不殊貴賤, 一斷於法).