Chiàn-chhia (bé-chhia)

Chiàn-chhia ki-su̍t tāi-khài ê thoân-pò kòe-têng, sò͘-jī sī Chú-chêng nî-hūn.

Chiàn-chhia (Eng-gí: chariot), he̍k-chiá kóng bé-chhia, sī chi̍t khoán ēng bé-á ûi chú ê tōng-bu̍t thoa chhia-sin, siū chiàn-chhia-peng khòng-chè ê chhia, tī kó͘-tāi hông ēng tī chiàn-cheng, phah-la̍h he̍k-chiá kēng-cháu.

Chiàn-chhia sī Chheⁿ-tâng sî-tāi chi̍t khoán tiōng-iàu ê bú-le̍k, āu-lâi in-ūi chhī-bé kap khiâ-bé ki-su̍t ê hoat-tián, chiàn-chhia tī chiàn-cheng ê ēng-tô͘ chiām-chhù hō͘ khiâ-peng chhú-tāi.