Chiong-hòa Gîn-hâng (Ji̍t-pún sî-tāi)
Tu-sek Hōe-siā Chiong-hòa Gîn-hâng (株式會社彰化銀行) sī Tâi-oân tī Ji̍t-pún sî-tāi ê gîn-hâng hōe-siā, pún-siā siat tī Tâi-tiong-chhī Tāi-chèng-teng (大正町). Gîn-hâng sī 1905 nî 6 goe̍h chhòng-li̍p, tī Tâi-oân kok-tē siat ū chi-tiàm kap chhut-tiuⁿ-só͘.
Chiàu 1943 nî chu-liāu, tōa tu-chú (株主; kó͘-tong) pau-koat Haeno Eiitirô (波江野英一郎), Lîm Hûn-liông, Tâi-oân Siong-kong Gîn-hâng téng-téng.
Chiàn-āu hōe-siā chu-sán hō͘ Tiong-hoa Bîn-kok chèng-hú chiap-siu, têng cho͘ chò Chiong-hòa Siong-gia̍p Gîn-hâng.
Chham-khó[siu-kái | kái goân-sí-bé]
- 竹本伊一郎 (1942). 昭和十八年 臺灣會社年鑑. 臺灣經濟研究會. p. 16.