Choâ-kin-chháu

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
?Choâ-kin-chháu
U-lai ê chhoâ-kin-chhaú
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Rubiales
Kho: Rubiaceae
Sio̍k: Ophiorrhiza
Chéng: O. japonica L.
Ha̍k-miâ
Ophiorrhiza japonica
Blume 1826

Choâ-kin-chháu (蛇根草) sī to-nî-seng ê chhaú-a-lūi, kui châng tāi-iok 30 cm koân, tiāⁿ kui tīn seⁿ taù-tīn. Mā hō chò Ji̍t-pún choâ-kin-chháu, hô-pau-hoe.

Hoe pe̍h pe̍h, ū-sî-á sió-khoá kiô-á-sek. Lóng 4-5 lúi chò-hoé seⁿ tiàm kui châng siōng têng-koân. Hoe-koè ná lá-pah, nâ-aû hia ū iù mo͘. Chhun-thiⁿ kaù kah tú joa̍h--lâng ê sî khui-hoe. Hoe sè sè lúi, chi̍t-khùn lóng seⁿ chiâⁿ chē.

Hio̍h-á tn̂g-ko tn̂g-ko, 3-12 cm tn̂g, tùi-seⁿ, thaû-chêng chiam chiam, ki-pō͘ khah e̍h, mo͘ lang lang he̍k-chiá bô mo͘. Hio̍h-koáiⁿ 1-3 cm tn̂g.

Tâi-oân tiong-kē hái-poa̍t ê só͘-chāi lóng khoàⁿ ē-tit tio̍h.

Chham-khó[siu-kái | kái goân-sú-bé]

Hayatana choâ-kin-chháu: Ophiorrhiza hayatana Ohwi (早田氏蛇根草)