Daniel Bernoulli
Guā-māu
![](http://upload.wikimedia.org/wikipedia/commons/thumb/f/fc/Daniel_Bernoulli_001.jpg/225px-Daniel_Bernoulli_001.jpg)
Daniel Bernoulli (1700 nî 2 goe̍h 8 ji̍t – 1782 nî 3 goe̍h 17 ji̍t) sī chi̍t ūi Sūi-se ê sò͘-ha̍k-ka kiam bu̍t-lí-ha̍k-ka; i tī Bernoulli ka-cho̍k ê chē-chē sò͘-ha̍k-ka tong-tiong, sǹg-sī chin ū tāi-piáu-sèng ê chi̍t ūi. In lāu-pē kap sió-tī hun-pia̍t sī Johann Bernoulli kap Nicolaus II Bernoulli. Daniel Bernoulli it-seng siōng tōa ê kòng-hiàn chiū-sī kā sò͘-ha̍k ūn-iōng chāi le̍k-ha̍k, te̍k-pia̍t sī tī liû-thé le̍k-ha̍k hong-bīn; lēng-gōa, i mā-sī ki-lu̍t kap thóng-kè-ha̍k téng-téng hong-bīn ê sian-hêng-chiá. Bernoulli tēng-lí ê hō-miâ chiū-sī teh kì-liām i. Chit-ê tēng-lí āu-lâi tī 20 sè-kí chiâⁿ-chòe hòa-iû-khì kap ki-e̍k chit nn̄g hāng ki-su̍t ê ki-chhó͘ sò͘-ha̍k biâu-su̍t lí-lūn.