Gillian Anderson

Gillian Leigh Anderson (1968 nî 8 goe̍h 9 ji̍t chhut-sì) sī Bí-kok chhut-sin, mā tī Eng-kok hoat-tián ê ián-goân, pat poaⁿ kòe X Tóng-àn tiān-sī iáⁿ-chi̍p chú-kak Dana Scully.

Chhut-sin

Anderson sī Chicago chhut-sì--ê, lāu-bú sī Rosemary Alyce (goân-sèⁿ Lane), tiān-náu hun-sek-su; lāu-pē sī Homer Edward Anderson 3-sè, tiān-iáⁿ hō͘-chè-chok (post-production) kong-si keng-gêng-chiá. Anderson ū Eng-lân, Tek-kok kiam Ài-ní-lân ê cho̍k-hē. I chhut-sì bô lōa kó͘ chiō kap pē-bú poaⁿ kòe Puerto Rico 15 kò-goe̍h, liáu-āu koh kòe Eng-lân Lûn-tun, tong-sî sī i-ê lāu-pē ji̍p Lûn-tun Tiān-iáⁿ Ha̍k-hāu.