Hî-tî-hiong

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Hî-tî-hiong
魚池鄉
Hî-tî-hiong
Ki-pún chu-liāu
Jîn-kháu 17,267 (2010 nî 7 goe̍h)
Hō͘-sò͘ 5,794
Biān-chek 121.3735 km²
Hêng-chéng koán-lí
Téng-kip Hiong
Téng-koân Lâm-tâu-koān
Ē-té 13 chhoan
Hî-tî-hiong

Hî-tî-hiong (魚池鄉) sī Tâi-oân Lâm-tâu-koān ê 1 ê hiong. chia siōng chhut-miâ ê sī jit-goa̍t-thâm, tiāⁿ-tiāⁿ lâng lâi leh iû-lám ê só͘-chai. goân-té chia sī goân-chū-bîn, "Thau", seng-oa̍h ê só͘-chai. tē-hng só͘ kóng ê gí-giân iā sī "Thau" ê gí-giân.

le̍k-sú[siu-kái | kái goân-sí-bé]

kin-kù tē-hng ê thoân-soat, "Thau" siōng chá sī tùi A-lí-san hiah(in ê ōe hō-chò 'arithan / 'ari a hundun) lâi ê. chhàm Cou pí khí-lâi, Thau ê jîn-kháu bô chē, m̄-ko bîn-cho̍k ê DNA koh chè-tián, gí-giân téng-téng ê bûn-hòa thoân-thóng lóng chin bô-kâng.

ko͘-chá sî-tāi[siu-kái | kái goân-sí-bé]

tī ū le̍k-sú kì-lo̍k chìn-chêng, tiàm chit-má ê hī-tī-hiong tē-khu, chá tō ū jîn-lūi tī chia oa̍h-tāng, seng-oa̍h. 1900 nî, hit-chūn Ji̍t-pún sî-tāi lâi tī tâi-oân ê khó-kó͘ ha̍k-chiá tī chúi-siā kap chu-á-san(chit-má tī jit-goa̍t-thâm tiong-ng ê sió-soaⁿ, Thau ê ōe hō-chò lalu) hoat-hiān chi̍t-kóa ke-si, khòaⁿ khí-lâi sī iōng chio̍h-thâu-á chè-chō ê mi̍h-kiāⁿ, ū ê kan-tan, chho͘-siap, ū-ê jīn-chin bôa kòe, ke khah iù-lō͘. sòa-lo̍h-lâi tī 1955, chi̍t cho͘ lâi-chū tâi-tāi(tâi-oân tāi-ha̍k) kap lâm-tâu bûn-hiàn úi-oân-hōe ê khó-kó͘ thoân-tūi lâi chiah ê lalu, chúi-siā, bûn-bú biō, koh chheng-liông soaⁿ-lok ê thâm piⁿ gián-kiú. khioh ū chhiau-kòe chi̍t chheng kiāⁿ ê chio̍h-thâu-á ke-si hām hûi-á. che lóng chèng-bêng tio̍h goân-té tī chiah ê goân-chū-bîn tī chio̍h-khì sî-tāi í-keng siong-tong chìn-pō͘, iā-ū to̍k-li̍p ê seng-oa̍h cho͘-chit. [1]

siōng-chá ū gōa-lâng lâi kàu chit-má ê lâm-tâu-koān chiah ê kì-lo̍k sī 17 sè-kí bóe, ùi tiong-kok lâi ê, sèⁿ lîm, sī Tēⁿ-sêng-kong ē-kha ê chi̍t-ê chiong-kun. hit-chūn i chhōa chi̍t-tīn lâng khì tī chit-má ê táu-la̍k hiah khai-khún. liáu-āu, chhōa tīn koh lâi kàu kin-á-ji̍t ê tek-san hiah hoat-tián. m̄-ko kin-kù tong-sî ê kì-lo̍k, bô lâi kàu chit-má ê hì-ti-hiong tē-khu.

  1. 《魚池鄉誌·地理篇》. 南投縣魚池鄉公所. 2001