Hanasaku Iroha

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Hanasaku Iroha (Ji̍t-gí: 花咲くいろは, Hàn-gí: Hoe Khui Bu̍t-gú(花開物語)) sī Ji̍t-pún ê goân-chhòng tōng-oē. Iû P.A.Works chè-chok.

Kò͘-sū[siu-kái | kái goân-sú-bé]

Chhut-sin tī Tang-kiaⁿ ê chú-kak Siông-chiân Sū-hoa sī chi̍t-ê siūⁿ-beh kap "chit-má ê ka-kī" bô kāng-khoán ê 16 hoè cha-bó͘ ko-tiong-siⁿ.Ū-chi̍t-kang, i pī-pek kàu in a-má khui ê un-choâⁿ lú-koán chia̍h-thâu-lō͘. Tī hia, i tú-tio̍h pah-pah-koán ê lâng.

Jîn-bu̍t[siu-kái | kái goân-sú-bé]

Siông-chiân Sū-hoa (Matsumae Ohana)
I sī chit-ê ū-oa̍h-la̍t koh chek-ke̍k lo̍k-koan ê cha-bó͘-gín-a. Tī in a-bú kap lâm-pêng-iú cháu-lō͘ láu-āu, tio̍h ka-kī káu a-má khui ê un-choâⁿ lú-koán "Hí-chhùi-chong" toà.
Ho̍k-lâi Bîn-chú (Tsurugi Minko)
I tī "Hí-chhùi-chong" chò chóng-pò͘-sai ê sai-á, mā toà tī hia. I chi̍t-khai-sí bô kah-ì Sū-hoa, koh kiò i ah-kiáⁿ-nn̄g (hobiron), m̄-koh āu-lâi mā tòng-chò i si pêng-iú.
Ap-súi Chhài-chú (Oshimizu Nako)
Hí-chhùi-chong ê ha̍k-siⁿ-á-kang. Chin kiaⁿ-siⁿ-hūn.
Hô-chhong Kiat-beng (Wakura Yuina)
Keh-pià Ho̍k-ok Lú-koán ê cha-bó͘-kiáⁿ. Kap Sū-hoa hām Bîn-chú sî tông-chhong.
Chéng-chhun Hàu-it (Tanemura Kōichi)
Sū-hoa ê ho-pêng-iú. I tī Sū-hoa beh lī-khui Tang-kiaⁿ ê sî tùi i kò-pe̍h, m̄-koh kiaⁿ thiaⁿ-tio̍h i ê hoê-hok, tio̍h liu--khì--ah.
Sù-si̍p-bān Chhùi (Shijiman Sui)
Sū-hoa ê a-má, Hí-chhùi-chong ê thâu-ke-niû. I tùi i ê oân-kang chioh giâm-keh.
Lûn-tó Pa (Wajima Tomoe)
Hí-chhùi-chong ê nè-chiàng. Tiāⁿ-tiāⁿ hō͘ in lāu-bú thê-chhéⁿ ài chhoē chi̍t-ê ang hó kiat-hun.
Sù-si̍p-bān Iân (Shijiman Enishi)
Sū-hoa ê a-kū. Sè-hàn ê sî tiāⁿ-tiāⁿ hō͘ in a-chí ki-hu.
Kiong-gān Thiat (Miyagishi Tōru)
Hí-chhùi-chong ê siàu-liân chóng-pò͘-sai. Tī chàu-kha kā Bîn-chú chí-tō.
Hū-kian Liân-jī (Togashi Renji)
Hí-chhùi-chong ê schóng-pò͘-sai. Bīn-iông giâm-siok, bô-oē-bô-kù. Tī Hí-chhùi-chong chia̍h-thâu-lō͘ oá-beh 20 tang.
Chhoan-kho Chông-chú (Kawajiru Takako)
Iân ê tāi-ha̍k tông-chhong. Āu-lâi kap i kiat-hun, piān-chò Sū-hoa ê a-kīm.

Mûi-thé[siu-kái | kái goân-sú-bé]

Tōng-oē[siu-kái | kái goân-sú-bé]

Hanasaku Iroha ū 26 chi̍p, iû P.A.Works chè-chok, Ang-têng Chin-jū tō-ián. Chit-chhut 2011 nî 4 goe̍h kàu 6 goe̍h tī Ji̍t-pún ê Tokyo MX hòng-sàng. Hē-lia̍t kò͘-sêng sī Kong-tiân Mâ-lí, Koan-kháu Ko-nāi-bī chù Gān-tiân Mel ê goân-àn siat-kè jîn-bu̍t. Im-hióng chí-tō sī Bêng-tiân-chhoan Jîn, chè-chok im-ga̍k ê sī Pin-kháu Sí-lông.

Bàng-gah[siu-kái | kái goân-sú-bé]

  • Kāng-miâ kái-phian ang-á-tô͘ tī < Goe̍h-khan GAN GAN JOKER> ê 2010- nî 12-ge̍h hō khai-sí liân-chài, Chhian-tiân Oē-jîn choh oē.
  • < Hoe khui Bu̍t-gí Green Girls Graffiti> tī 2011- nî 7-ge̍h-1-ji̍t-khí tī Web Comics Gekkin bāng-lō͘ liân-chài, Sè-soat Sûn choh oē.

Tiān-iáⁿ[siu-kái | kái goân-sú-bé]

< Kio̍k-tiûⁿ-pán Hoe-khui Bu̍t-gí HOME SWEET HOME> 2013 nî 3-ge̍h-9-ji̍t khai-sí Se̍k-chhoan-koān lāi ê 4 ê kio̍k-tiûⁿ poaⁿ, tâng-nî 3-ge̍h-30-ji̍t choân-kok hòng-sàng. Chú-iàu kang-chok jîn-oân kap tam-tng siaⁿ-iu ham tiān-sì-pán kâng-khoán. ' Goá siūⁿ-beh koh-khah hiáⁿ-ba̍k …… !' Oân-choân sin chò ê loē-iông, biâu-su̍t seh-tōng-chè chìn-chêng ê chhiu-ji̍t só͘-hoat-seng ê tāi-chì.

Goā-pō͘ liân-kiat[siu-kái | kái goân-sú-bé]