Hi-kò͘-lūi

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Hi-kò͘-lūi ê Eng-gí sī fiction, thoân-thóng hoan-e̍k chò "siáu-soat"[1], sī chi̍t khoán bûn-ha̍k siōng ê hun-lūi, pau-koat kok khoán keng-kòe sióng-siōng ê kò͘-sū, ia̍h chiū sī chiàu chok-chiá chú-tiuⁿ he̍k-chiá lōe-iông hêng-sek lâi kóng m̄-sī giâm-keh kun-kù sū-si̍t ê chhòng-chok.

Pún lūi chhòng-chok chiàu tong-tāi ê ì-gī, tû-liáu bûn-chiong í-gōa, mā pau-koat hiān-tiûⁿ piáu-ián, iáⁿ-hì, tiān-sī-kio̍k, tiān-náu iû-hì, kak-sek poaⁿ-ián iû-hì téng khoán. Nā khah goân-sú ê ì-sù sī chí bûn-ha̍k ê lūi-hêng, pau-koat tn̂g-phiⁿ siáu-soat (novel), novella, té-phiⁿ kò͘-sū, kio̍k-pún téng lūi.

Hi-kò͘ kap hui-hi-kò͘ ê hâm-hô͘-sèng[siu-kái | kái goân-sú-bé]

Tiām chi̍t kóa chêng-hêng hi-kò͘/hui-hi-kò͘ ê chha-pia̍t sī ài-māi--ê, chit khoán ài-māi-sèng mā sī chi̍t kóa hō͘-hiān-tāi bûn-ha̍k ê sêng-hun, pí-lūn chok-chiá khó-lêng te̍k-pia̍t piáu-hiān "sióng-siōng-tek hiān-si̍t" (imagined reality). Koh ū chhiūⁿ Michael Orlofsky ēng "sú-ha̍k hi-kò͘" (historiografiction) chit jī lâi piáu-ta̍t ê le̍k-sú-ha̍k kiam hi-kò͘ ê saⁿ-lām.[2]

Chham-khó[siu-kái | kái goân-sú-bé]

  1. John Macgowan (1883). "Fiction". English and Chinese dictionary of the Amoy dialect. 
  2. Iftekharuddin, Frahat (ed.). (2003). The Postmodern Short Story: Forms and Issues. Greenwood Publishing Group. p. 23.

Siong-koan[siu-kái | kái goân-sú-bé]