Hong-goân-khu

Hong-goân-khu
	Hong-goân-khu; 豐原區
	— khu —
	Hong-goân-khu ê uī-tìHong-goân-khu
	Keng-hūi-tō͘: 24°15′N 120°43′E / 24.250°N 120.717°E
kok-ka	Tiong-hôa Bîn-kok
Ti̍t-hat-chhī	Tâi-tiong-chhī
Ē-kha khu-oe̍h	36 lí 737 lîn
	Bīn-chek
- Lóng-chóng	41.1845 km2
Koân-tō͘	280 m
	Jîn-kháu (2026 nî 4 goe̍h)
- Lóng-chóng	161,264 lâng
- Bi̍t-tō͘	3,915.65 lâng/km2
- Hō͘-sò͘	60,650
Sî-khu	CST (UTC+8)
Iû-piān hō-bé	420
Bāng-chām	https://www.fengyuan.taichung.gov.tw

Hong-goân-khu (Hàn-jī: 豐原區) sī Tâi-oân Tâi-tiong-chhī ê 1 ê hêng-chèng-khu, tiàm tī khah oá pak pêng ê só͘-chāi, Tâi-tiong Chhī-chèng-hú ê pō͘-hūn ki-koan siat tī chia.

Hong-goân tī tang-keng 120.43°, pak-hūi 24.14°, biān-chek 41.18 pêng-hong kong-lí. Pak pêng sī Aū-lí, sai pêng sī Sin-kóng, lâm pêng sī Thâm-chú kap Pak-tūn, tang pêng sī Chio̍h-kng kap Sin-siā.

Hong-goân 2026 nî 4 goe̍h ū 161,264 ê lâng, 60,650 hō͘.

Hong-goân nî-chhé-un 22 °C, sǹg a-jia̍t-tāi khì-haū. Chú-iàu ê lông-sán-phín ū phòng-kam, phô-tô, lâi-á, âng-khī.

Le̍k-sú

Hong-goân goân-té sī Pazeh-cho̍k (Pa-cháiⁿ-cho̍k, 巴宰族) khiā khí ê só͘-chāi, hō-chò Hô͘-lô͘-tun (葫蘆墩). "Hô͘-lô͘-tun" chit-ê miâ sī chū Pa-cháiⁿ-gí ê "Haluton" hoan-e̍k lâi--ê, chit-ê sû siōng-chá sī "Paradan", sī Pa-cháiⁿ-lâng tùi chia ê chheng-ho͘; lēng-gōa mā ū thoân-soat sī in-ūi chit-ê só͘-chāi ū saⁿ-ê khòaⁿ--khí-lâi sêng hô͘-lô͘ ê thô͘-tun, chiah ē hō-chò "Hô͘-lô͘-tun".

1920 nî Ji̍t-pún chèng-hú tùi Tâi-oân chìn-hêng ke-chng kái-chè, in-ūi chit-jiah chèng--ê "Hô͘-lô͘-tun bí" phín-chit chin-hó, tio̍h iōng Ji̍t-pún thoân-soat lāi-té ê "Hong-úi-goân Chhian-ngó͘-pek Chhiu Sūi-sūi Kok" (Ji̍t-pún-gí: 豊葦原千五百秋瑞穂国 (とよあしはらのちいおあきのみずほのくに) ^{Toyoasihara no tiioaki no mizuho no kuni}) kā Hô͘-lô͘-tun kái-miâ chò "Hong-goân" (Ji̍t-pún-gí: 豊 (とよ)原 (はら) ^toyohara), sio̍k-tī Tâi-tiong-chiu Hong-goân-kūn.