Tāi-an-khu (Tâi-tiong-chhī)

Pún bûn-chiuⁿ sī koan-hē Tâi-tiong-chhī ê hêng-chèng-khu. Chhōe kî-thaⁿ kâng-miâ ê só͘-chāi, khòaⁿ Tāi-an-khu.

Tāi-an-khu 大安區
—  Khu  —
Tāi-an-khu
Keng-hūi-tō͘: 24°22′N 120°35′E
kok-ka	Tiong-hôa Bîn-kok
Ti̍t-hat-chhī	Tâi-tiong-chhī
Bīn-chek
- Lóng-chóng	27.4045 km2
Jîn-kháu (2025 nî 5 goe̍h)
- Lóng-chóng	17,631 lâng
- Bi̍t-tō͘	643.36 lâng/km2
- Hō͘-sò͘	6,159
Sî-khu	CST (UTC+8)
Iû-piān hō-bé	439
Bāng-chām	http://www.daan.taichung.gov.tw

Tāi-an-khu sī Tâi-oân Tâi-tiong-chhī ê 1 ê khu.

Hêng-chèng-khu

Chit-má ê Tāi-an-khu hêng-chèng hoān-ûi ê khak-li̍p, goân-chū tū 1920 nî, Li̍t-pún kā Tâi-oân ê 12 thiaⁿ piàn-king ûi 5 chiu 2 thiaⁿ, siat-li̍p Tāi-an-chng, iû Tâi-tiong-chiu Tāi-kah-kūn koán-hat. Tāi-an-chng ē-kha ū Lâm-po͘ (南埔), Tang-sì-bé (東勢尾), Hok-heng (福興), Saⁿ-tè-chhù (三塊厝), Ku-khak (龜壳), Gû-po͘ (牛埔), Khoe-chiu (溪洲), Chhêng-á-kha (松仔跤), Téng Kha-ta̍h (頂跤踏), Ē Kha-ta̍h (下跤踏), Hái-kîⁿ-chhù (海墘厝), Pàk-soàⁿ (北汕), Chhân-sim-á (田心仔), Ē Tāi-an (下大安), Saⁿ-cha̍p-kah (三十甲), Lâm-chng (南庄), Tiong-chng (中庄), Téng Tāi-an (頂大安), lóng-chóng 18 ê tāi-tsū. Tāi-an-chng tū 1946 nî 1 ge̍h sî kái-ûi Tāi-an-hiong, kui-sio̍k Tāi-tiong-koān Tāi-kah-khu. 1950 nî, thiat-siau khu-kip hêng-chèng-khu, Tāi-an-hiong piàn-chòe ti̍t-chiap kui-sio̍k Tâi-tiong-koān. 2010 nî 12 ge̍h 25 hō, Tâi-tiong-koān kap Tâi-tiong-chhī ha̍p chòe sin ê ti̍t-hat-chhī Tâi-tiong-chhī, Tāi-an-hiong mā kái-chè chòe chhī-hat-khu Tāi-an-khu, kui-sio̍k Tâi-tiong-chhī. Tāi-án-khu ē-kha ū Tiong-chng-lí (中庄里), Éng-an-lí (永安里), Se-an-lí (西安里), Tong-an-lí (東安里), Siông-ngá-lí (松雅里), Lâm-chng-lí (南庄里), Lâm-po͘-lí (南埔里), Hái-kîⁿ-lí (海墘里), Téng-an-lí (頂安里), Hok-chū-lí (福住里), Hok-heng-lí (福興里), Ku-khak-lí (龜壳里), lóng-chóng 12 ê lí, 110 ê lîn.