Ak-chhân

Ak-chhân (Eng-bûn: irrigation), bûn-giân kóng-hoat sī koàn-khài (灌溉), sī lī-iōng jîn-ûi ê hong-sek lâi sú-iōng thian-jiân kàng-chúi (hō͘-chúi) í-gōa ê kî-thaⁿ chúi-goân lâi kiong-kip thó͘-tē ia̍h-sī thô͘-jióng chúi-hūn. Ak-chhân tōa-pòaⁿ lóng sī iōng-lâi chèng-choh lông-chok-bu̍t he̍k-chiá kî-thaⁿ si̍t-bu̍t, lēng-gōa iā ē-ēng iōng-lâi î-chhî kéng-koan. Oân-choân bô lī-iōng ak-chhân ki-su̍t ê lông-gia̍p chhân-hn̂g pī hō-chò bô-chúi-chhân.

Ak-chhân hē-thóng iā ē iōng-lâi ah-chè thô͘-hún iáu-ū pâi-hòng u-chúi. Ak-chhân hē-thóng chia̍p-chia̍p hām pâi-chúi hē-thóng tàu-tīn gián-kiù, hō͘-chiá sī iōng-lâi pâi-tû chi̍t ê só͘-chāi tē-piáu ia̍h-sī tē-piáu í-hā ê chúi-hūn ê thian-jiân he̍k-chiá jîn-kang ki-su̍t. Ak-chhân ē-ēng kóng sī lông-gia̍p hoat-tián ê tiong-sim te̍k-teng, iā sī bûn-hòa ê sêng-kó; i sī chē-chē kok-ka keng-chè kap siā-hōe ê ki-chhó͘.