Itō Hirobumi

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Itō Hirobumi.

Itō Hirobumi (伊藤 博文; 1841/10/16-1909/10/26) sī tsi̍t uī tshut-sin Chōshū huan ê bú-sū, āu-lâi sîng-uî Ji̍t-pún tē-it uī tsóng-lí tāi-sîn, tsîng-āu lóng-tsóng 4 jīm (tē 1, 5, 7 kah 10 jīm). I tsuè-āu tī Harbin hōo Hân-kok ài-kok jîn-sū An Jung-geun tshìng-sat kuè-sin. Tsìng-tī jîn-bu̍t kiam tsok-ka ê Suematsu Kenchō sī i ê khè-kiánn, kah in tsa-bóo-kiánn Ikuko kiat-hun.

Sing-pîng[siu-kái | kái goân-sú-bé]

Itō Hirobumi ê tshin-senn lāu-pē sī Hayashi Jūzō, i pún-miâ hō-tsò Hayashi Risuke. 1863 nî, Itō hōo lâng suán tsò Chōshū ngóo kia̍t, liû-ha̍k University College London. Ito kiàn-sik tio̍h Ing-kok ê sian-tsìn tsè-tōo, i siong-sìn Ji̍t-pún mā ing-kai si̍t-hîng, tsiah ū tsâi-tiāu tsìn-pōo kah huat-tián. Keh-tńg-nî, i tńg-khì kàu Ji̍t-pún, khai-sí sueh-ho̍k kah kíng-kò Chōshū huan m̄-thang kah guā-kok huat-sing tsiàn-tsing. Tông-sî, i mā kah Ernest Satow sio-tú, nn̄g lâng sîng-uî it-sing ê pîng-iú.