Jī-bó-hē

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Chi̍t-ê jī-bó-hē (jī-bú-hē; ji̍t. 字母系[1]), sī chi̍t thò jī-bó, sī ēng lâi siá bûn-jī ê chi̍t cho͘ hû-hō. Giâm-keh ì-sù ê jī-bó-hē (Eng-gí: alphabet) hē-thóng ū khu-hun bó-im kap chú-im nn̄g-khoán im-sò͘, si̍t-lē ū Lô-má-jī, Hi-lia̍p-jī, Tiâu-sián-jī téng khoán. Chóng-sī kî-tha pheng-im hêng-sek ê siá-jī hē-thóng tan-goân mā tiāⁿ hông hō chò "jī-bó".

Iōng-gí[siu-kái | kái goân-sú-bé]

Nā chiàu ha̍k-chiá Peter T. Daniels chiam-tùi Eng-gí alphabet chit jī só͘ tēng ê ì-sù, jī-bó-hē sī pêng-téng piáu-hiān chú-im kap bó-im ê bûn-jī. Nā Hi-lia̍p-jī sī siāng chá ha̍h pún khoán tēng-gī ê chi̍t thò bûn-jī. Kî-tha chhiūⁿ goân-sú ê Phoenicia, Hi-pek-lâi ia̍h A-la-pek bûn-jī, lóng sī piáu-hiān chú-im ûi chú ê abjad hêng-sek. Lēng-gōa koh ū chi̍t khoán sī abugida, chhan-chhiūⁿ Devanagari bûn-jī, sī ēng chú-im chò ki-chhó͘, lī-ēng phiat-im hû-hō ia̍h siu-kái pit-ōe leh piáu-hiān bó-im.

Le̍k-sú[siu-kái | kái goân-sú-bé]

Goân-chho͘ Canaan bûn-jī, mā hông hō chò Phoenicia bûn-jī, sī só͘ chai-iáⁿ siāng kó͘ ê chi̍t khoán choân im-sò͘ bûn-jī. Phoenicia jī sī tōa-hūn hiān-tāi jī-bó-hē ê sian-chó͘, tùi i hoat-tián chhut--lâi-ê bûn-jī hē-thóng pau-koat A-la-pek-jī, Hi-lia̍p-jī, Latin-jī (Lô-má-jī), Kyril-jī, Hi-pek-lâi-jī, mā khó-lêng hâm Brahmi-jī.

Chham-khó[siu-kái | kái goân-sú-bé]

  1. "字母系". Weblio 辞書. 2017-03-29 khòaⁿ--ê.