Kàu-hông Ioannes Paulus 2-sè

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Bí-kok, 1993 nî
Vaticano, 2004 nî

Ioannes Paulus 2-sè (pún-miâ: Karol Józef Wojtyła; 1920 nî 5 goe̍h 18 ji̍t – 2005 nî 4 goe̍h 2 ji̍t), 1978 nî chiū-jīm ê Lô-má Thian-chú-kàu kàu-hông. I sī 456 nî lâi thâu-1-ê m̄-sī Í-tāi-lī-lâng ê kàu-chong. I oân-ná sī tē-1-ê hōaⁿ chit ūi ê Pho-lân-lâng.

1978 nî 10 goe̍h 16 ji̍t pī soán chò kàu-chong, 10 goe̍h 22 ji̍t chiū-jīm. I sī só·-ū ê kàu-chong tang-tiong gí-giân lêng-le̍k te̍k-pia̍t kiông ê 1-ê, tû-liáu La-teng-bûn í-gōa oân-ná ē-hiáu Pho-lân-gí, Í-tāi-lī-gí, Eng-gí, Hoat-gí, Tek-gí, Se-pan-gâ-gí kap Phû-tô-gâ-gí. Chit-ê châi-tiāu tùi i tāi-piáu kàu-hōe chò kok-chè gōa-kau ū pang-chān.

1981 nî 5 goe̍h 13 ji̍t i tī Sèng Pí-tek Kóng-tiûⁿ khì hō· lâng àn-sat bô sêng, chóng—sī sin-khu giâm-tiōng tio̍h-siong. Hiong-chhiú sī 1-ê Thó͘-ní-kî-lâng hō-chò Mehmet Ali Ağca.

Ioannes Paulus 2-sè ki-pún-siōng sī 1-ê pó-siú-phài. I kian-chhî thoân-thóng ê Thian-chú-kàu kè-ta̍t-koan, pau-koah hoán-tùi the̍h gín-á, tông-sèng-ài, lî-iân, hoán-tùi iōng jîn-kang ê hoat-tō· pī-ūn, mā bô chàn-sêng cha-bó·-lâng chò "sîn-hū" (priest) a̍h-sī sîn-chit jîn-oân khì hōaⁿ chèng-tī chit-ūi. Siâng-sî i chàn-siaⁿ chi-chhî bîn-chú kap keng-chè kong-gī, hoán-tùi sí-hêng kap chiàn-cheng, mā phoe-phêng kiōng-sán-chú-gī kap chu-pún-chú-gī.

Ioannes Paulus 2-sè ê chêng-chi̍t-jīm sī Ioannes Paulus 1-sè, aū-chi̍t-jīm sī Benedictus 16-sè.

Gōa-pō· liân-kiat[siu-kái | kái goân-sú-bé]

Wikimedia Commons téng ê siong-koan tóng-àn: Johannes Paulus II

Kàu-hông Ioannes Paulus 2-sè
Lô-má Thian-chú-kàu chheng-hō
Chiap-sio̍k
Ioannes Paulus 1-sè
Kàu-hông
1978 nî–2005 nî
Kè-sio̍k
Benedictus 16-sè