Kak-sok-tō͘

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Kak-sok-tō͘ chham kak-tō͘ piàn-hòa ê koan-hē.

Kak-sok-tō͘ (角速度) tī bu̍t-lí-ha̍k lāi pī tēng-gī chò kak-ūi-î ê piàn-hòa-lu̍t, iā chiū sī tī tan-ūi sî-kan lāi, choán-tōng goā-chē kak-tō͘. Kak-sok-tō͘ sī chi̍t ê hiòng-liōng, tī kè-sǹg-siōng thong-siông ē iōng Hi-lia̍p jī-bó Ω ia̍h-sī ω lâi piáu-sī. Tī Kok-chè Tan-ūi Hē-thóng tiong, kak-sok-tō͘ ê tan-ūi sī ta̍k-bió gōa-chē ô͘-tō͘ (rad/s). Tī ji̍t-siông seng-oa̍h tiong, khah-chia̍p iōng múi-hun-cheng choán-sok (rpm).