Kasio Mariko

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Kasio Mariko (柏尾鞠子; 1912 nî 2 goe̍h 25 ji̍t1936 nî 4 goe̍h 20 ji̍t) sī Tâi-oân ê chi̍t ūi ōe-ka.

Lâi-le̍k[siu-kái | kái goân-sú-bé]

Kasio Mariko sī Tang-kiaⁿ chhut-sì--ê, 1912 nî 10 goe̍h sî tòe pē-bú kòe Tâi-oân ê Iâm-chúi-káng (Kiâm-chúi). 1918 nî 4 goe̍h Kasio ji̍p Iâm-chúi-káng Sió-ha̍k-hāu, kâng nî 9 goe̍h koh choán Ko-hiông Tē-it Sió-ha̍k-hāu, kàu 1924 nî, ji̍p Ko-hiông Ko-téng Lú-ha̍k-hāu.

1927 nî, Kasio--sī ê chok-phín Megumi (惠み) ji̍p-soán tē-1-hôe ê Tâi-oân Bí-su̍t Tián-lám-hōe (Tâi-tián). 1928 nî, i tùi Ko-lú chut-gia̍p, kâng nî 4 goe̍h ji̍p Tang-kiaⁿ Lú-chú Bí-su̍t Choan-bûn Ha̍k-hāu ê su-hoān-kho Se-iûⁿ-ōe-pō͘, kàu 1932 nî ê sî-chūn chut-gia̍p. Tong nî Kasio tī Ji̍t-pún Bûn-pō͘-séng ê kiám-tēng ha̍p-keh, the̍h tio̍h tiong-o̍h tô͘-ōe-kho kàu-oân chu-keh. Kâng nî 9 goe̍h, Kasio tó-tńg Tâi-oân

Tong nî 10 goe̍h sî Kasio ēng chok-phín Chè-ho̍k ê siàu-lú (制服の少女) chham-ka tē-6-hôe Tâi-tián ji̍p-soán. Kàu 11 goe̍h ê sî, i chù 12 hō khai-sí tī Iâm-chúi-káng Chè-thn̂g khui liáu 3-kang ê kò-tián. 1933 nî ê sî, Kasio kap lāu-pē chò-hóe kòe Hoa-liân-káng lú-hêng, tī Taroko kap Tî-lâm téng tē-hng chhòng-chok. Kàu kâng nî ê 10 goe̍h, i tī tē-7-hôe ê Tâi-táin ji̍p-soán chok-phín Siàu-lú (少女). 12 goe̍h koh khì Ji̍t-goa̍t-thâm chhòng-chok.

1934 nî, Kasio tī Hoa-liân-káng-ke khui kò-tián, 10 goe̍h ê sî kòe Tang-kiaⁿ. 1935 nî 5 goe̍h 26 ji̍t i kiat-hun; jî-chhiá tī 1936 nî 4 goe̍h 13 ji̍t i seⁿ chi̍t ūi cha-po͘-kiáⁿ, chóng-sī kàu 4 goe̍h 20 ê sî-chūn, Kasio koh tī pēⁿ-īⁿ ê sî-chūn kòe-sin.

Chham-chiàu[siu-kái | kái goân-sú-bé]

  • 藤田晃, pian. (1938 nî 4 goe̍h). 柏尾鞠子遺作集 (ēng Ji̍t-pún-gí). 藤田晃. 
  • "日治時期臺灣出版之書畫圖錄". 臺灣學研究 (ēng Hôa-gí). 國立臺灣圖書館 (18). 2015 nî 12 goe̍h.