Ke-ta-ga-lán Tāi-tō
Ke-ta-ga-lán Tāi-tō[1] he̍k-chiá Khái-ta̍t-kek-lân Tāi-tō (凱達格蘭大道) sī ūi-tī Tâi-oân Tâi-pak-chhī Tiong-chèng-khu ê chi̍t tiâu tō-lō͘. Ke-ta-ga-lán Tāi-tō choân-soàⁿ ūi-tī Chóng-thóng-hú kap Kéng-hok-mn̂g chi-kan. Goân-miâ hō-chò Kài-siū-lō͘ (介壽路), lo̍h-bóe tī 1996 nî 3 goe̍h 21 hō kái chò hiān-miâ, chit-ê miâ-chheng chhut-chū kó͘-chá tn̂g-kî tòa tī Tâi-pak tē-khu ê goân-chū-bîn Ketagalan cho̍k. Thong-siông kán-chheng chò Khái-tō (凱道).