Khu Ka-hông

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Khu Ka-hông (邱家洪, 1933-),Tâi-oân Chiong-hoà-koān Siā-thâu lâng, chó͘-che̍k (祖籍) Kńg-tang Jiâu-pêng-koān (饒平縣). Tâi-oân sió-soat-ka, bat chò Tâi-tiong-chhī Chèng-hú Siā-hoē-kio̍k-tiúⁿ, Tâi-tiong-chhī Chèng-hú chú-jīm pì-su.

Seng-pêng[siu-kái | kái goân-sú-bé]

Ku Ka-hông pit-gia̍p tī Siā-thâu Kok-sió, Séng-li̍p Chiong-hoà Kang-gia̍p Chit-gia̍p Pó͘-si̍p Ha̍k-hāu (taⁿ sio̍k Chiong-su Hù-kang) āu, tī Tâi-thih tam-jīm kī-su̍t-kang. Āu-lâi kàu Tang-hng Ji̍t-pò jīm te̍k-iok kì-chiá, koh tī hia huat-piáu tn̂g-phiⁿ sió-suat Lo̍k-eng (落英).

Siū teng-chi̍p chham-ú 823 Phàu-chiàn āu, Khu Ka-hông tit in bó͘--ê chhin-chiâⁿ Siā Tang-bín (謝東閔) pang-chān, tī Tiong-kok Kok-bîn-Tóng Bîn-Chiòng Ho̍k-bū Siā jīm tóng-chit (黨職). In ū koè "It-téng Te̍k-khó (乙等特考) Siā-hoē Kang-chok Jîn-oân Khó-chhì" téng kong-bū-oân chu-keh khó-chì, 1973 nî hō͘ Tâi-oân-séng Tóng-pō͘ (黨部) chú-úi kéng kàu séng tóng-pō͘, hū-chek kàm-to̍k kì-lio̍k Tâi-oân-séng Gī-hoē gī-oân giân-hêng, koh tùi séng tóng-pō͘ thê-chhut su-bīn pò-kò, jīm "Tóng-chèng Kang-chok Sió-choo" Hū-chek-jîn. M̄-koh bô ha̍h hèng-chhù, siū Tâi-tiong-chhī Chhī-tiúⁿ Cheng Bûn-pho (曾文坡) iau-chhiáⁿ, jīm Tâi-tiong-chhī Siā-hoē Kio̍k-tiúⁿ, liáu-āu tiàu kah Tâi-oân-séng Chèng-hú Siā-hoē-chhù. 1985 nî khí, sian-āu jīm Tâi-tiong Chhī-tiúⁿ Tiuⁿ Chú-goân (張子源), Lîm Pek-iông (林柏榕)--ê chhī-chèng-hú chú-jīm pì-su, tī 1993 nî thoè-hiu.

2006 nî chhut-pán Tāi-hô Sió-soat (大河小說) Tâi-oân Tāi Hong-hûn (-大風雲), siá Hông-bîn-hoà Ūn-tōng (皇民化-) kàu 2000 nî chèng-tóng lûn-thè--ê Tâi-oân-sú, hoán-èng Tâi-oân bún-thó ì-sek, koh tī keh-tńg-nî iōng che the̍h-tio̍h tè 13 kài Bû Éng-ho̍k (巫永福) Bûn-ha̍k-chióng, Tiong Tâi-oân Bûn-ha̍k Sêng-chiū Chióng.[1]

Tù-chok[siu-kái | kái goân-sú-bé]

Só͘-ū tù-chok lóng iōng Hoâ-gí

Tn̂g-phiⁿ Sió-soat[siu-kái | kái goân-sú-bé]

  • Lo̍k-eng (落英), 1956 nî 10 goe̍h
  • Chhī-tiúⁿ--ê Thian-tông (市長的天堂), 1996 nî 7 goe̍h
  • Toā Sím-phuàⁿ: Kok-ông Lâng-bé--ê Boán-koa (大審判:國王人馬的輓歌), 1998 nî 6 goe̍h
  • Tâi-oân Tāi Hong-hûn (台灣大風雲), 2006 nî 7 goe̍h (Tāi-hô Sió-soat)

Hoê-ek-lio̍k (回憶錄) kap thoân-kì[siu-kái | kái goân-sú-bé]

  • Àm-pâng Chèng-tī: Lîm Pek-iông Bō͘-liâu-tiúⁿ Chèng-toâⁿ Huê-ek-lio̍k (暗房政治:林柏榕幕僚長政壇回憶錄), 1995 nî 4 goe̍h
  • Chèng-tī Hô-chêng Tām-po̍k Sim: Siā Tang-bín Toān (政治豪情淡泊心:謝東閔傳), 1999 nî 10 goe̍h
  • Táⁿ-chō Liōng-lē Jîn-seng: Khu Ka-hông Hoê-ek-lio̍k (打造亮麗人生:邱家洪回憶錄), 2007 nî

Sàn-bûn (散文)[siu-kái | kái goân-sú-bé]

  • Tiong-kok Bāng Chhun-hong: Khu Ka-hông Iōng-sim Khoàⁿ Tiong-kok (中國望春風:邱家洪用心看中國), 2000 nî
  • Cháu-koè Chhái-hông Sè-kài (走過彩虹世界), 2000 nî
  • Chhiòng-hêng Koaⁿ-tiûⁿ: Chò chi̍t-ê ì-khì hong-hoat--ê kong-bū-oân (縱橫官場:做一個意氣風發的公務員), 2000 nî 4 goe̍h

Chham-khó Bûn-hiān[siu-kái | kái goân-sú-bé]

  1. Hok Soat-lêng (郝雪卿) (2007-12-01). "台灣大風雲研討會 邱家洪獲中台灣文學獎". Tiong-iong-siā (choàn kàu Toā-kì-goân (大紀元) Tiān-chú-pò. 2014-12-01 khòaⁿ--ê. (Koaⁿ-oē)