Ko-hiông Sîn-siā
Ko-hiông Sîn-siā (Hàn-jī: 高雄神社; Lô-má-jī: Takao-zinzya) sī Ji̍t-pún sî-tāi Tâi-oân ê 1-chō sîn-siā, siat tī Ko-hiông-chiu Ko-hiông-chhī Kotobuki-tyo, Siū-san poàⁿ soaⁿ-io.
Chè-sîn
[siu-kái | kái goân-sí-bé]Ko-hiông Sîn-siā ê siā-kè (社格) sī koān-siā (県社); chè-sîn (祭神) sī Yosihisa Chhin-ông (能久親王), Tāi-bu̍t-chú miā (大物主命), kap Sutoku Thian-hông (崇徳天皇).
Le̍k-sú
[siu-kái | kái goân-sí-bé]1912 nî 2 goe̍h 5 ji̍t, Ji̍t-pún-lâng tī Siū-san soaⁿ-kha kiàn-li̍p Táⁿ-káu Kotohira (金刀比羅) Sîn-siā. 1920 nî, chin-ka chè-sîn Yosihisa Chhin-ông, kái miâ Táⁿ-káu Sîn-siā. Hit nî ê 12 goe̍h, koh kái miâ chò Ko-hiông Sîn-siā. 1928 nî 11 goe̍h 8 ji̍t, sîn-siā poaⁿ khí Siū-san soaⁿ-io. 1932 nî 4 goe̍h 22 ji̍t, tit tio̍h koān-siā siā-kè.
Chiàn-āu, Ko-hiông Sîn-siā hō͘ Tiong-hoâ Bîn-kok chèng-hú kái chò "tiong-lia̍t-sû". Tī 1970 nî-tāi, chèng-hú kā sîn-siā chú-thé thiah-tû kái chò Tiong-kok-sek kiàn-tio̍k.
