Lāi-saⁿ

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Lāi-saⁿ sī chí chhēng tī siāng lāi chân, keh tī sin-ku kap gōa saⁿ tiong-ng ê chi̍t chân saⁿ-á-khò͘. Chóng-sī bô-kâng bûn-hòa ia̍h sî-tāi tùi chhēng-saⁿ goân-chéng ê thêng-tō͘ koan-liām sī bô-kâng--ê, nā sī tī chi̍t kóa siā-hōe, tiāⁿ ē-tàng kóng sī bô lāi-saⁿ koan-liām--ê.

Le̍k-sú[siu-kái | kái goân-sú-bé]

Chiàu Se-iûⁿ-sek hiān-tāi chhēng-chhah lâi kóng, lāi-saⁿ lō͘-iōng pau-koat hō͘ gōa-saⁿ bián-tit kap sin-thé chiap-chhio̍k. Chái-kî ê se-iûⁿ lāi-saⁿ sī bô hun sèng-pia̍t--ê, kàu 19 sè-kí ê sî, khai-sí ka-kiông sèng-pia̍t ê khu-hun. Hit chūn, tī cha-po͘ ê pō͘-hūn, lāi-saⁿ it-poaⁿ î-chhî kong-lêng-sèng kap si̍t-ēng-sèng; m̄-koh tī cha-bó͘ ê pō͘-hūn khai-sí ū sek-io̍k ê ì-bī. Pí-lūn corset siat-kè sok-ân io-pō͘ tông-sî kiông-tiāu heng-pō͘ kap tûn-pō͘ ê chûn-chāi. Lāi-saⁿ tī chit sî sī tông-sî jia-khàm kiam kiông-tiāu sek-io̍k pō͘-ūi ê chok-iōng.

Lēng-gōa, ū-ê goán-té sī lāi-saⁿ ê siat-kè, keng-kòe sî-kan piàn chò sī gōa-saⁿ ê chi̍t khoán, pí-lūn 1980 nî tāi corset tī Vivienne Westwood ê siat-kè ēng lycra châi-chit chè-chok ê khoán-sek, piàn chò sī hong-piān thǹg chhēng ê gōa-saⁿ.

Chham-chiàu[siu-kái | kái goân-sú-bé]

  • Caroline Cox (2004). "underwear". Chū Valerie Steele. Encyclopedia of Clothing and Fashion. Charles Scribner's Sons. pp. 357–360. ISBN 0-684-31394-4.