Ludwig van Beethoven

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Karl Stieler oē--ê Beethoven (1820)

Ludwig van Beethoven (Kok-chè Im-phiau: [ˈbeː.to.vən]; 1770 nî 12 goe̍h 17 sé-lé1827 nî 3 goe̍h 26) sī Tek-kok ê chok-khek-ka kiam kǹg-khîm-ka. I sī Au-chiu gē-su̍t im-ga̍k ùi Kó͘-tián sî-kî ián-piàn kàu Lô-bān sî-kî ê 1 ê koan-kiān jîn-bu̍t. I ê miâ-siaⁿ kap châi-chêng tùi āu--lâi ê chok-khek-ka, im-ga̍k-ka, thiaⁿ-chiòng ū chin toā ê khé-sī; ta̍h i ê kha-pō͘ ê chok-khek-ka chē-chē lia̍h i chò pí-phēng ê bo̍k-piau.

Beethoven tī Tek-kok Bonn chhut-sì, 20 hoè chhut-thâu poaⁿ khì Tang-kok Wien, tiàm hia toè Joseph Haydn o̍h gē, chiâⁿ kín tō kiàn-li̍p kǹg-khîm tāi-su ê hó miâ-siaⁿ. Beh 30 hoè ê sî, put-hēng khai-sí chhàu-hīⁿ; che pìⁿ-chiâⁿ i kui-sì-lâng tio̍h bīn-tùi ê khùn-jiáu. Chóng--sī i soà-chiap chhòng-chok phín-chit koân ê tāi-chok.

Beethoven thang kóng sī siōng chá kā ka-kī tòng-chò chū-iû gē-su̍t-ka ê chok-khek-ka. I bô chhiūⁿ chá-chêng ê chok-khek-ka kā ka-kī tēng-ūi sī chè-chō im-ga̍k sán-phín ê sai-hū. I pān im-ga̍k-hoē, bē chok-phín hō͘ chhut-pán-siā, tit tio̍h kúi-ā-ê kim-chú chàn-chō͘, chóng--sī bô chhiūⁿ chiân-poè chiong-sin hō͘ Kàu-hoē ia̍h hoâ-cho̍k chhiàⁿ.

Chú-iàu chok-phín[siu-kái]

Wikimedia Commons ū koan-hē Ludwig van Beethoven ê to-mûi-thé tóng-àn.