跳至內容

Má-keng-chhī

Wikipedia (chū-iû ê pek-kho-choân-su) beh kā lí kóng...


Má-keng-chhī
馬公市
—  Koān-hat-chhī  —
Má-keng-chhī ê uī-tì
Má-keng-chhī ê uī-tì
Má-keng-chhī
Keng-hūi-tō͘: 23°34′N 119°35′E / 23.567°N 119.583°E / 23.567; 119.583
Kok-ka  Tiong-hôa-bîn-kok
Koān Phêⁿ-ô͘-koān
Chèng-hú
 - Chhī-tióⁿ N̂g Kiān-tiong
Bīn-chek
 - Lóng-chóng 33.9918 km2
Koân-tō͘ 13 m
Jîn-kháu (2025 nî 1 goe̍h)
 - Lóng-chóng 64,085 lâng
 - Bi̍t-tō͘ 1,885.31 lâng/km2
 - Hō͘-sò͘ 26,943
Sî-khu NST (UTC+8)
Iû-piān hō-bé 880
Bāng-chām http://www.mkcity.gov.tw/

Má-keng-chhī (hàn-jī:媽宮市, Tâi-lô: Má-king-tshī) sī Tâi-oân Phêⁿ-ô͘-koān ê 1 ê chhī, mā sī koān-tī ê só͘-chāi-tē.

Má-keng tē-khu ūi tī Phêⁿ-ô͘ pún-tó (Tōa-soaⁿ-sū) sai-pō͘, chū kó͘-chá-sî tio̍h sī hong-oaⁿ. Tī Bêng Chheng bûn-hiàn lāi-té, tio̍h ū "Niû-keng (娘宮)", "Má-ò (媽澳)", "Má-chó͘-tâi (媽祖臺)", "Chó͘-má-keng (祖媽宮)", "Má-chó͘-ò (馬祖澳)" téng-téng ê kì-chài, kî-tiong "Má-keng" sī siōng chia̍p khòaⁿ ê. In-ūi Má-keng tī Bêng-tiâu Bān-le̍k nî-kan tio̍h ū pài Má-chó͘ ê Phêⁿ-ô͘ Thian-hiō-kiong, só͘-í "Má-keng" èng-kai kah Má-chó͘ sìn-gióng ū koan-hē, lo̍h-bóe mā piàn-chò chāi-tē ê tē-hō-miâ[1]:143.

1920 nî (Tāi-chèng 9 nî), Tâi-oân Chóng-tok-hú chìn-hêng hêng-chèng-khu-he̍k kái-chè, goân-pún ê Phêⁿ-ô͘-thiaⁿ kái chò Phêⁿ-ô͘-kūn, Phêⁿ-ô͘-kūn ē-kha ê "Má-keng" tio̍h kái chò hoat-im sio-siâng ê "Má-kong (馬公)"[1]:143[2]:98-100, it-ti̍t kàu chiàn-āu Tiong-hôa Bîn-kok Chèng-hú mā tòe leh sú-iōng chit-ê tē-hō-miâ, tān-sī tī Tâi-gí lāi-té kàu-taⁿ lóng iá-sī kā hō-chò "Má-keng".

Jī-chiàn kiat-sok liáu-āu, Má-keng chhī bîn-kan it-ti̍t ū leh thó-lūn kám ài kā miâ kái tńg-khì, bē-chió lâng jīn-ûi "Má-keng" chit-ê miâ chiah thang tián-hiān chāi-tē ê le̍k-sú, chú-tiuⁿ kā "Má-kong-chhī" kái tńg-khì "Má-keng chhī"[3].

Chham-khó Chu-liāu

[siu-kái | kái goân-sí-bé]
  1. 1.0 1.1 顏, 尚文 (2005). 《續修澎湖縣志.卷二.地理志》 (ēng Hôa-gí). 澎湖縣: 澎湖縣政府. ISBN 9860015104. 
  2. 黃, 驗; 黃, 裕元 (2015). 《臺灣歷史地圖》 (ēng Hôa-gí) (2016年第三刷 pán.). 臺北市: 遠流. ISBN 9789860475227. 
  3. 馬公市公所 (2013-03-18). "〈馬公市公所於2013年3月11日召開推動『媽宮復名』籌備會~〉" (ēng Hôa-gí). 澎湖縣馬公市公所. Goân-pún bāng-ia̍h Pó-chûn tī 2021-10-15. 2019-11-18 khòaⁿ--ê.  Ia̍h-bīn chûn-àn pī-hūn