Nî-kim kái-kek

Nî-kim kái-kek (年金改革) sī chí Tâi-oân Tiong-hôa Bîn-kok Chèng-hú tùi i-ê kok-bîn (hâm kun-jîn, kong-bū-oân, kàu-su, lô-kang kap lông-bîn téng) ê thè-hiu-kim ia̍h kok-bîn nî-kim chè-tō͘, í-ki̍p thè-hiu kun-kong-kàu jîn-oân iu-hūi chûn-khoán (sio̍k-chheng 18%) ê kái-kek. Nî-kim kái-kek ê chéng-thé lōe-iông, pau-koat siong-koan châi-chèng lâi-goân, sòe-chè tiâu-chéng kap thè-hiu-kim kim-gia̍h ê tiâu-chéng téng. Ah só͘-tit thè-tāi-lu̍t, sìn-lāi pó-hō͘ goân-chek, kong-pêⁿ chèng-gī goân-chek, sè-tāi chèng-gī téng lóng sī kî-tiong ê cheng-gī-tiám.