N̂g It-lêng

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

N̂g It-lîng (黃乙玲; Yee-ling Huang; 1969 nî 9 goe̍h 20 ji̍t chhut-sì ), pún-miâ N̂g Bîng-chu (黃明珠), tī Sin-pak-chhī chhut-sì, sī Tâi-oân chin chhut-miâ ê Tâi-gí liû-hîng koa-khik (台語流行歌曲) cha-bó͘ koa-chhiú. 1987 nî chhut-tō, i siōng-kài ū-miâ ê sī i ai-oàn kah pi-siong ê chhiùⁿ-koa hong-keh. 30 hoè í-āu, i khai-sí sìn-gióng Hu̍t-kàu, chhiùⁿ-koa ê hong-keh piàn kah khah un-sûn. N̂g It-lîng lóng-chóng thê koè 4 kái Kim-khik-chióng (金曲獎), mā sī 1990 nî-tāi, 2000 nî-tāi kah 2010 nî-tāi lóng thê koè Kim-khik-chióng kus-hiō ê thâu chi̍t lâng. I ê tāi-piáu chok-phín ū chin chē, chhin-chhiūⁿ Jîn-sing ê koa (人生的歌), Bô jī ê chîng-phoe (無字的情批), Hái pho-lōng (海波浪), Kóng siáⁿ-mih san-bîng-hái-sè (講什麼山盟海誓), Ài-chîng ê chiú lóng boē thè (愛情的酒攏袂退), Ài lí bô tiâu-kiāⁿ (愛你無條件), Ài tio̍h chiah chai thiàⁿ (愛到才知痛), Kám-siā bô-chîng lâng (感謝無情人), Tiām-tiām (惦惦), Tiàm chāi lí sin-piⁿ (惦在你身邊). N̂g It-lîng ē-sái kóng sī hiān-kim Tâi-gí liû-hîng koa-khik ê thian-hiō jîn-bu̍t.

N̂g It-lîng sè-hàn chhù-lāi sàn-chhiah, chhut-goā khì tī-leh Pak-tâu (北投) ê Nakasi cháu-chhiùⁿ. 1983 nî, hō͘ Iûⁿ Ting-khoe (楊登魁) thê-poa̍t, kài-siāu hō͘ Ngô͘ Chìn-hoâi (吳晉淮) chò tē-chú. 1987 nî, N̂g It-lîng hoat-piáu tē-it tiuⁿ choan-chi̍p - Kóng siáⁿ-mih san-bîng-hái-sè (講什麼山盟海誓), khai-sí chhut-miâ.

  • Tiong-kî: