Norah Jones

Wikipedia (chū-iû ê pek-kho-choân-su) beh kā lí kóng...
Norah Jones (2007)

Norah Jones (pún-miâ Geetali Norah Shankar; 1979 nî 3 goe̍h 30 ji̍t chhut-sì ) sī chi̍t ūi Bí-kok ê cha-bó͘ koa-chhiú, chok-khek-ka kiam ián-oân. I ū Eng-kok-hē Bí-kok-lâng kap Ìn-tō͘-hē Bēng-ka-la-lâng ê hiat-thóng. I sī ián-chàu-ka Ravi Shankar ê cha-bó͘-kiáⁿ, iā sī Anoushka Shankar ê bô-kāng lāu-bú ê a-ché. I tī 2002 nî hoat-piáu i-ê tē-it tiuⁿ choan-chi̍p Come Away with Me, che sī i ián-gē seng-gâi ê thâu-chhut. Chit tiuⁿ su-chêng chiok-sū-ga̍k choan-chi̍p thè i iâⁿ-tit 5 hāng Grammy Chióng. Jones jiân-āu tī 2004 nî hoat-piáu i-ê tē-jī tiuⁿ choan-chi̍p Feels Like Home. 2007 nî, i hoat-piáu i-ê tē-saⁿ tiuⁿ choan-chi̍p Not Too Late, kāng chi̍t nî iā chham-ú My Blueberry Nights ê ián-chhut, che sī i tē-it pái ê tiān-iáⁿ chhut-ián. 2009 nî, hoat-piáu choan-chi̍p The Fall. I tī Bí-kok kap thong-sè-kài hun-pia̍t ū chhiau-kòe 2000-bān kap 5000-bān ê choan-chi̍p siau-siû-liōng, sī 2000 nî-tāi siōng-kài thiòng-siau ê cha-bó͘ chiok-sū-ga̍k koa-chhiú.

Goā-pō͘ liân-kiat[siu-kái | kái goân-sí-bé]

Wikimedia Commons téng ê siong-koan tóng-àn: Norah Jones