Orlistat

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Hē-thóng miâ: 1-(3-hexyl-4-oxo-oxetan-2-yl)tridecan-2-yl 2-formylamino-4-methyl-pentanoate

Orlistat (Roche hō hêng-siau miâ Xenical, GlaxoSmithKline hō OTC miâ alli), mā hō chò tetrahydrolipstatin, sī 1 chióng tī-liâu toā-kho͘ ê io̍h-á. Chú-iàu ê kong-lêng sī ī-hông tùi pak-lāi ê chia̍h-mi̍h khip-siu chí-hông, án-ne lâi kiám-chió ji̍p thé-lāi ê calorie. Àn-sǹg iōng lâi phoè-ha̍p i-seng chí-tō ê kē calorie chhài-sek.

Orlistat sī lipstatin ê pá-hô (saturated) pán. Lipstatin sī ùi Streptomyces toxytricini thiu--chhut-lâi ê; i kap orlistat sio-siâng, ū ah chūi-chōng lipase (pancreatic lipase) ê lō͘-iōng. Chóng--sī kan-taⁿ orlistat ū khai-hoat chò tī toā-kho͘ ê io̍h-á, in-ūi pí-kàu khah kán-tan koh ún-tēng.