Pak-iông kun-i ha̍k-tông

Pak-iông kun-i ha̍k-tông (hàn-gú: 北洋軍醫學堂; Pak-iûnn kun-i ha̍k-tông) khai-sí tshòng-li̍p tī 1902-nî (Tshing Kong-sū 28-nî), sī kin-á-ji̍t teh Tâi-uân ê kok-hông i-ha̍k-īnn, hi̍k-tsiá kiò-tsò Kok-hông i-ha̍k tiong-sim (NDMC) ê tsiân-sin. Iōng tsit-khuánn ê tshing-hoo tio̍h-hōo Tiong-hua bîn-kok kok-hông i-ha̍k-īnn tsiânn-tsò Tiong-hua bîn-kok kun-sū īnn-hāu tang-tiong li̍k-sú siōng iu-kiú ê ha̍k-hú.

Li̍k-sú[siu-kái | kái goân-sí-bé]

Pak-iông kun-i ha̍k-tông tshòng-li̍p tī 1902-nî 11-gue̍h 14-ji̍t, sī hit tong-sî Ti̍t-lē tsóng-tok pak-iông tāi-sîn Uân Sè-khái sóo tshòng-li̍p, iû Pak-iông kun-tsìng-su kun-kio̍k hū-tsik tiû-pān. Kun-i-kio̍k tsóng-pān Sû Huâ-tshing (徐華清/Tshî Huâ-tshing) kiam-jīm ha̍k-tông tsóng-lí. Phìng-tshiánn Ji̍t-pún tsū-kun pēnn-īnn ê īnn-tiúnn Hiraga Seijilou (平賀精次郎/ひらがせいじろう) lio̍k-kun jī-tíng kun-i-tsìng (軍醫正) uî tsóng-kàu-si̍p (總教習). Tsuan-bûn puê-ióng Pak-iông lio̍k-kun kun-i uî bo̍k-ti̍k, tī 1902-nî 12 gue̍h 1-ji̍t kú-pān thâu-tsi̍t-kî tsio-sing khó-tshì, lio̍k-tshú tsiann-pī ha̍k-guân 46 jîn. 1902-nî 12-gue̍h khai-sí siū-khò. 1903-nî tshun-thinn, ho̍k-tshì tsin-suántsin-sua, tsiann-tshú ha̍k-sing 37-jîn; uî lio̍k-tshú ê ha̍k-guân khàu-tû miâ-gia̍h, tio̍h-sî hù-khò tsiá (附課者). Kin-kì Pak-iông kun-i ha̍k-tông tsiong-tîng (北洋軍醫學堂章程), ha̍k-tsè 3-nî puànn, siat-li̍p tsóng-huē-pān 2-guân, tsóng-kàu 1-guân, hun-kàu 8-guân. Pak-iông ta̍k-nî puah-khuánn 2 bān-niú king-huì. 1906-nî tshòng-pān io̍h-kho. Tīng Siū (鄭壽), Bīng Bo̍k-tik (孟目的), Tîn Phok (陳璞) tíng-tíng jîn-sū sian-āu tam-jīm tsú-jīm.