Pinocchio

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Thâu 1 pán siáu-soat ê chhà-tô͘, Enrico Mazzanti ōe--ê.

Pinocchio (Italia-gí ho͘-im: [piˈnɔkkjo] "pi-nok-kioh") sī chi̍t-ê siáu-soat kak-sek, goân chok ê thâu chi̍t pō͘ kò͘-sū sī Italia chok-chiá Carlo Collodi ê jî-tông siáu-soat Pinocchio ê Mō͘-hiám (Le avventure di Pinocchio), pún kak chiàu kò͘-sū sī bo̍k-kang sai-hū Geppetto khek--chhut-lâi ê âng-á, ài kóng pe̍h-chhat, koh siūⁿ beh piàn chò chiàⁿ-káng ê ta-po͘ gín-á; tong i kóng pe̍h-chhat ê sî-chūn, phīⁿ-á tio̍h ē chhun tn̂g.

Pinocchio ê kò͘-sū mā tiāⁿ hong kái-pian chhut sin chok-phín, khah chhut-miâ ê chi̍t kái sī Walt Disney chè-chok ê 1940 nî tōng-ōe tiān-iáⁿ Pinocchio. Ùi pún chok lāi-bīn, Disney chiong chi̍t kóa Collodi goân-chok lāi-té Pinocchio khah tit lâng ià ê sèng-chit hiat tiāu.