Po-lê Thian-pông
Po-lê Thian-pông（Eng-gí: glass ceiling）sī chí tī kong-si、khì-gia̍p kap ki-koan、thoân-thé tiong tùi bó͘ chi̍t-kóa kûn-thé（jû lú-sèng、siáu-sò͘ bîn-cho̍k）chìn-seng kàu ko-kip chit-ūi iah-sī koat-chhek chân-kip ê chhiám-chāi hān-chè iah-sī chiòng-gāi. I chí jû-tông po-lê kâng-khoán, chit-ê chiòng-gāi sui-bóng bōe bêng-bûn kui-tēng, m̄-koh khiok-sī si̍t-si̍t-chāi-chāi ê chûn-chāi.
Lēng-gōa，iā-ū Po-lê Tē-pán（glass floor）it-sû, sī-chí bó͘ chi̍t-kóa kûn-thé tī tē-ūi thê-seng kòe-têng-tiong ê chiòng-gāi. Pí-jū in-ūi tùi lú-sèng ê khek-pán ìn-siōng, tī kiám-chió insiong-tùi lâm-sèng seng-jīm kong-si chóng-chhâi kap ko-kai chú-koán ki-hōe ê kâng-sî, iā kiám-chió in sit-gia̍p、kòe-tō͘ lô-tōng、hām-ji̍p tē-ūi kē-hā ê khòng-kang、kaⁿ-siû téng chhú-kéng ê ki-lu̍t. Chi̍t-kóa lú-khoân-chú-gī chiá jīm-ûi, lâm-sèng khiàm-khoeh po-lê tē-pán sī thui-tōng lú-khoân-chú-gī kap sóa-cháu po-lê thian-pông ê chiòng-gāi, to-sò͘ lâm-sèng bô-hoat-tō͘ ta̍t-kàu po-lê thian-pông ê koân-tō͘, m̄-koh bêng-khak kám-siū-tio̍h khiàm-khoeh po-lê tē-pán pó-hō͘, só͘-í ē kā lú-khoân-chú-gī tòng-chò kì-tit-lī-ek koh ké-siáu.
Chham-khó chí-phiau：[siu-kái | kái goân-sí-bé]
- Lâm-lú ê ko-téng-kàu-io̍k siū-kàu pi-lē
- Lú-sèng lô-tōng-le̍k tâu-ji̍p chit-tiûⁿ thêng-tō͘
- Lâm-lú ê sin-chu chha-īⁿ pi-lē
- It-poaⁿ chhiâⁿ-ióng gín-á ê sêng-pún
- Seng-io̍k hok-lī：niá choân-sin ê bó-chhin chiàu-kò͘ iⁿ-á ê ka-kî
- Seng-io̍k hok-lī：niá choân-sin ê hū-chhin pôe-sán ê ka-kî
- Lú-sèng sin-chhéng siong-gia̍p koán-lí ha̍k-ūi ê pi-lē
- Lú-sèng seng-koaⁿ kàu chu-chhim keng-lí ê pi-lē
- Lú-sèng chìn-ji̍p táng-sū-hōe ê pi-lē
- Lú-sèng chiâⁿ-chò kok-hōe gī-oân ê pi-lē
Kî-tiong, Keng-chè-ha̍k-jîn sò͘-kù chí-chhut, siōng sek-ha̍p lú-sèng kang-chok ê kok-ka chêng saⁿ miâ sī：Nô-ui、Sūi-sū、Hun-lân.。