Podcasting

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Podcasting sī 1 khoán tiàm Internet hòng-sàng siaⁿ-im ê ki-su̍t, tī 2004 nî bóe-kî sî-kiâⁿ--khí-lâi. I ê te̍k-chit tō-sī lī-iōng "chhī-liāu" (feed) kā siāng kài sin ê siaⁿ-im tóng-àn (it-poaⁿ sī MP3) chu-sìn "sak"--chhut-khì. Iōng-chiá-pêng ê sûi-sin pàng-im-ki a̍h-sī kò-jîn tiān-náu ē-tàng chū-tōng kái-tha̍k chhī-liāu ê lōe-iông, pí-lūn kóng kā sin tóng-àn lia̍h--lo̍h-lâi.

Podcasting hō· to̍k-li̍p ê mûi-thé kang-chok-chiá ē-tit-thang ka-kī seng-sán, hoat-hêng ka-kī ê chiat-bo̍k. Thiaⁿ-chiòng ē-sái iōng in ê podcatching nńg-thé tēng-ia̍t chhī-liāu. Chit khoán ke-si ē àn-sî sûn-cha/hā-chài sin ê lōe-iông. Kāng chit-khoán ki-su̍t oân-ná ū-hoat-tō· hòng-sàng iáⁿ-siōng tóng-àn.