Siáu-chú-hòa

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Siáu-chú-hòa (少子化) sī in-ūi seng-io̍k-lu̍t hā-kàng chō-sêng iù-nî jîn-kháu ta̍uh-ta̍uh kiám-chió ê hiān-siōng. Siáu-chú-hòa tāi-piáu tio̍h bī-lâi jîn-kháu khó-lêng ē ta̍uh-ta̍uh piàn chió, tùi siā-hōe kiat-kò͘, keng-chè hoat-tián téng-téng kok hong-bīn lóng ē sán-seng tiōng-tāi ê éng-hiáng. Nā-sī sin-chi̍t-tāi cheng-ka ê sok-tō͘ sió-î téng-chi̍t-tāi chū-jiân sí-bông ê sok-tō͘, khah ē chō-sêng jîn-kháu put-chiok, só͘-í siáu-chú-hòa sī chiâⁿ chē kok-ka (te̍k-pia̍t sī í-khai-hoat kok-ka) hui-siông koan-sim ê būn-tê.