Sió-lé-bō

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Koan-hē chi̍t khoán tì thâu-khak téng ê sió bō-á khoán chong-sek, khòaⁿ hatinator.
Sió-lé-bō

Sió-lé-bō[1] sī chi̍t khoán Se-iûⁿ-sek ê bō-á, Eng-gí hō bowler hat, sī îⁿ téng ngē chit--ê, tāi-khài 19 sè-kí tiong-āu-kî tng liû-hêng. Tī Bí-kok Eng-gí lāi-bīn pún khoán bō-á mā kiò derby.[2]

Khí-goân[siu-kái | kái goân-sú-bé]

Sió-lé-bō it-poaⁿ jīn-ûi sī ùi 1849 nî kang-gia̍p-hòa heng-thong sî-kî ê Eng-kok hông siat-kè chhut--lâi-ê, i mā piàn chò sī Eng-kok-lâng ê chi̍t khoán tāi-piáu ho̍k-chong. "Bowler" chi̍t-ê miâ sī tùi Eng-lân pak-pō͘ Stockport ê chè-bō-sai John kap William Bowler hō--lâi, tāi-seng sī chi̍t ūi hôa-cho̍k chí-tēng ê phah-la̍h ēng bō siat-kè. Hit tang-chūn seng-sán ê kong-si sī Lûn-tun ê James Lock and Company.[2]

Tāi-chiòng bûn-hòa[siu-kái | kái goân-sú-bé]

Sió-lé-bō tī pah-gōa tang í-lāi sī hiáⁿ-ba̍k ê bō-á khoán-sek. I tiāⁿ chhut-hiān tī gē-su̍t, bûn-ha̍k, kàu kin-sè oa-án koh tī kóng-kò téng khoán lōe-iông hông chhái-ēng. Chhiò-khoe ián-goân Charlie Chaplin iú-miâ ê hêng-bô͘ chi it, tiō sī tì chi̍t téng sió-lé-bō, che mā sī āu--lâi Laurel and Hardy ê chheng-chhah. Í-gōa, chit khoán bō-á mā kì-su̍t tī Samuel Beckett ê Waiting for Godot, Bertolt Brecht ê Threepenny Opera, kap Stanley Kubrick ê Clockwork Orange téng bûn-ha̍k kiam hì-chhut chok-phín lāi-bīn. Ōe-ka René Magritte ia̍h ōe chiūⁿ i-ê chhiau-hiān-si̍t ōe-chok téng-bīn.[2]

Chham-khó[siu-kái | kái goân-sú-bé]

  1. Thomas Barclay (1923). "帽". Supplement to Dictionary of the Vernacular or Spoken Language of Amoy. sió-lé bō, a bowler hat 
  2. 2.0 2.1 2.2 Susie Hopkins (2004). "Hats, Men's". Chū Valerie Steele. Encyclopedia of Clothing and Fashion. Charles Scribner's Sons. ISBN 0-684-31394-4. 

Khok-chhiong tha̍k-bu̍t[siu-kái | kái goân-sú-bé]

  • Fred Miller Robinson (2011). The Man in the Bowler Hat: His History and Iconography. The University of North Carolina Press. ISBN 978-0-8078-6585-9. 

Liân-kiat[siu-kái | kái goân-sú-bé]

Wikimedia Commons téng ê siong-koan tóng-àn: Sió-lé-bō