Siā-hōe bîn-chú

Wikipedia (chū-iû ê pek-kho-choân-su) beh kā lí kóng...
Âng-mûi-kùi sī siā-hōe bîn-chú ê siōng-cheng.

Siā-hōe bîn-chú (社會民主; Eng-bûn: social democracy) sī chū 19 sè-kí bóe-kî kap 20 sè-kí chho͘-kî khai-sí chhut-hiān ê chi̍t chióng chèng-tī ê ì-sek hêng-thài. Siā-hōe bîn-chú sī chiông Marx-chú-gī hun-lî chhut-lâi ê chōe-chōe hun-chi chi-it. Siā-hōe bîn-chú chú-tiuⁿ thàu-kòe bîn-chú lâi chìn-hêng piàn-kek, kiàn-li̍p chi̍t ê hōng-hêng Siā-hōe-chú-gī ê siā-hōe.