Siâng-ì-jī

Wikipedia (chū-iû ê pek-kho-choân-su) beh kā lí kóng...
(Tùi Tông-gī-gí choán--lâi)
跳至導覽 跳至搜尋

Siâng-ì-jī (Eng-gí: synonym) sī sio-kâng ì-sù ê jī[1], thang sī chi̍t-ê tan-jī ia̍h phiàn-gí, in kap kî-tha bó͘ chi̍t-ê tan-jī phiàn-gí ì-sù sio-kâng ia̍h sī beh kâng, chit-ê chōng-hóng pún-sin hō-chò siâng-ì. Chi̍t-ê ōe-gí khó-lêng tī bó͘ chi̍t-ê ēng-hoat kap pa̍t-ê tan-jī sī siâng-ì-jī, m̄-koh tî kî-tha ēng-hoat koh m̄-sī.

Ū-ê ha̍k-chiá chú-tiuⁿ si̍t-chè siōng bô goân-choân kâng ì-sù ê siâng-ì-jī, in-ūi gí-goân, chiàⁿ-jī-hoat, ho͘-im ê sèng-chit, ài-moāi ê ì-sù, sú-iōng ê lí-lō͘ téng sêng-hun, hō͘ ta̍k-ê tang-gí lóng ē-táng kóng sī to̍k-it--ê. Pí-lūn "cha-po͘" kap "lâm-sèng" sui-bóng ē-tàng sǹg sī siâng-ì-jī, m̄-koh in si̍t-chè siōng ia̍h bô hoat-tō͘ hông goân-choân hō͘-siōng thè-ōaⁿ sú-iōng.

Chham-chiàu[siu-kái | kái goân-sú-bé]

  1. John Macgowan (1883). "Synonym". English and Chinese dictionary of the Amoy dialect. Synonym. siân ì ê jī