Tông-sèng hun-in

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
  Hun-in ha̍p-hoat khai-hòng hō͘ tông-sèng phoāⁿ-lī
  Sêng-jīn kî-thaⁿ kok-ka / tē-hng ê tông-sèng hun-in
  Chèng-hú / hoat-īⁿ sêng-jīn tông-sèng hun-in
  Bîn-sū kiat-ha̍p / chù-chheh phoāⁿ-lī koan-hē
  Chèng-hú / hoat-īⁿ sêng-jīn bîn-sū kiat-ha̍p
  Hui chù-chheh tông-ki koan-hē
  Hui ha̍p-hoat

Tông-sèng hun-in (同性婚姻; same-sex marriage) sī kāng-khoán sèng-pia̍t ê nn̄g lâng chi-kan tè-kiat hun-in koan-hē. Che mā hō͘ tông-sèng hun-in chi-chhî-chiá hō-chò hun-in pêng-khoân (婚姻平權). Bo̍k-chiân, thong-sè-kài ū 20 ê kok-ka kap 13 ê chū-tī léng-tē tī choân léng-he̍k lāi ê hoat-lu̍t tiong siat ū tông-sèng hun-in chè-tō͘; 2 ê kok-ka kap 1 ê chū-tī léng-tē ê pō͘-hūn tē-khu ū chit-khoán chè-tō͘. Lēng-goā, ū 16 ê kok-ka, 1 ê chū-tī léng-tē choân-kéng, í-ki̍p 6 ê kok-ka ê pō͘-hūn tē-khu, tī hoat-lu̍t siōng bô hō-chò "hun-in", tān-sī ióng-iú hām hun-in si̍t-chè kāng-khoán ia̍h-sī chi̍t pō͘-hūn hun-in khoân-lī gī-bū ê tông-sèng bîn-sū kiat-ha̍p he̍k-chiá seng-oa̍h phoāⁿ-lī ê chè-tō͘.