Tû-hoat

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Tû-hoat sī chi̍t khoán sǹg-su̍t hong-sek, sī sù-chek ūn-sǹg chi it. Nn̄g hāng chū-jiân-sò͘ ê tû-hoat, sī teh sǹg chi̍t-ê sò͘ (pī-tû-sò͘) sī lēng-gōa chi̍t-ê sò͘ (tû-sò͘) ê kúi pōe.

Phì-jū nā 20 tiâu kim-chio ēng 5 tiâu chi̍t cho͘ lâi tû, ē-tàng hun chhut 4 cho͘ kim-chio; ia̍h chio̍h sī kóng 5 ùi 20 lāi-té ū 4-ê. Sò-ha̍k siōng pún kài-liām it-poaⁿ ēng 20 ÷ 5 = 4 lâi piáu-tat; he̍k-chiá mā ē-tàng ēng hun-sò͘ ê hêng-sek siá kì, pī-tû-sò͘ 20 chò hun-chú, tû-sò͘ 5 chò hun-bú.