Tāi-eng Tè-kok

Wikipedia (chū-iû ê pek-kho-choân-su) beh kā lí kóng...
1921 nî ê Tāi-eng Tè-kok

Tāi-eng Tè-kok (大英帝國; British Empire) sī chi̍t ê iû Eng-kok ûi tiong-sim lâi thóng-tī ê choân-kiû tè-kok, sī jîn-lūi le̍k-sú-siōng kok-thó͘ bīn-chek siōng-tōa ê tè-kok, kok-thó͘ bīn-chek siōng-tōa ê sî-chūn ū 3400-bān pêng-hong kong-lí. It-poaⁿ jīm-ûi, Eng-kok kek-pāi Se-pan-gâ Lām-tūi tāi-piáu tio̍h Eng-kok ê ku̍t-khí. Kong-êng Kek-bēng liáu-āu, Eng-kok kap Hoat-kok khai-sí hông chheng chò sī Tē-jī-chhù Pah-nî Chiàn-cheng ê tn̂g-kî chhiong-tu̍t. 1763 nî, Chhit-nî Chiàn-cheng kiat-sok, Eng-kok ùi Hoat-kok chhú-tit kui-ê Ka-ná-tāi, tāi-piáu tio̍h Eng-kok chiâⁿ-chò chin-chiàⁿ ê hái-iûⁿ pà-chú. 1815 nî, tī kek-pāi Napoléon ê Hoat-lân-se Tē-it Tè-kok liáu-āu, Eng-kok chiâⁿ-chò chin-chiàⁿ ê sè-kài tē-it kiông-koân. In-ūi Tāi-eng Tè-kok ê léng-thó͘ hâm-kài Lâm-ke̍k Tāi-lio̍k, Gō͘-tōa-chiu kap Chhit-tōa-iûⁿ, sī kè Se-pan-gâ Tè-kok liáu-āu ê tē-jī ê Ji̍t-put-lo̍h Tè-kok.