Tōa-nâ Liān-iû-chhiúⁿ
Tōa-nâ Liān-iû-chhiúⁿ (大林煉油廠) sī Tâi-oân Tiong-iû Kong-si ê chi̍t chō liān-iû-chhiúⁿ, i-ê chú-iàu chhiúⁿ-khu tī Ko-hiông-chhī Sió-káng-khu ê Tōa-nâ-pô͘. I-ê chiân-sin sī 1969 nî sêng-li̍p ê Ko-hiông Liān-iû-chhiúⁿ Tōa-nâ-pô͘ Su-iû-chām (大林蒲輸油站). 1976 nî, Tōa-nâ-pô͘ Su-iû-chām hām Tē-káu Cheng-liû Kang-tiûⁿ (第九蒸餾工場) ha̍p-pèng chò Ko-hiông Liān-iû-chhiúⁿ Tōa-nâ-pô͘ Hun-chhiúⁿ. 1987 nî kái-chè chò Ko-hiông Liān-iû Chóng-chhiúⁿ Tōa-nâ-chhiúⁿ. 1996 nî, Tōa-nâ-chhiúⁿ thoat-lī "Ko-hiông Liān-iû Chóng-chhiúⁿ" kái-chè chò Tiong-kok Chio̍h-iû Kó͘-hūn Iú-hān Kong-si Tōa-nâ Liān-iû-chhiúⁿ. 2007 nî kái-chè chò Tâi-oân Tiong-iû Kó͘-hūn Iú-hān Kong-si Liān-chè Sū-gia̍p-pō͘ Tōa-nâ Liān-iû-chhiúⁿ.